Moi sjálf ~ Kemst þótt hægt fari;o)

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

miðvikudagur, febrúar 28, 2007

Viðburðarríkur dagur

Það er nú ansi viðburðarríkur dagur að baki. Það gerðist nefnilega mjög merkilegt. Moi sjálf var að eignast bíl! Já, þið heyrðuð rétt, hún Sveinbjörg María var að eignast bíl. Alveg ótrúlega ánægð með þetta allt saman og ferlega hissa líka, ég af öllum;o) Fór síðdegis með Fúsa bró niður í Heklu og gengum frá málum og mín ók á nýja bílnum heim sem heitir fólksvagn POLO:o) Það gengur bara ótrúlega vel að keyra en ég er alveg að sökka feitt þegar á að taka af stað í brekku á rauðu ljósi, það er eins og ég eigi að klúðra því í hvert einasta sinn. Svolítið neyðarlegt að lenda í því að drepa á bílnum í þessari stöðu þegar grænt ljós er að koma og maður er að fara að leggja af stað og jafnvel með fullt af fólki á eftir sér, sem betur fer allflest þolinmótt fólk. Var að fara út í Skipholt þegar ég þurfti endilega að lenda á rauðu ljósi á mótum Kringlumýrarbrautar og Suðurlandsbrautar/Laugavegs. Um leið og það kemur grænt ljós drep ég á bílnum, yndislegt, NOT! Ekki einusinni, ekki tvisvar heldur þrisvar drap ég á grey bílnum mínum. Komst nú að lokum af stað en það reyndi á blessaðan jálkinn minn. Er að reyna að sleppa kúplingunni ekki of hratt en ég kannksi panikka vegna þess að bíllinn rennur náttúrlega afturábak. Veit ekki hvort ég eigi að vera eitthvað að vera smá á bremsunni líka, það er spurning.

Svo fór mín á hlaupaæfingu og var mjög sein. Var komin heim á svipuðum tíma og hlaupaæfingin byrjaði þannig að ég ákvað að fara bara öfugan hálftíma og svo fór ég að Víkingsheimilinu og tilbaka og Suðurlandsbrautina og niður í Laugar. Samkvæmt bókhaldinu gerir þetta um 10 litla km og gekk alveg ótrúlega vel. Þurfti ekkert að labba nema upp brekkurnar sem voru nú ekki langar né margar þannig að þetta var alveg ágætur árangur og svei mér þá að ég hafi ekki barasta bætt maraþontímann um hvorki meira né minna en 5-6 mínútur þannig að þetta gæti orðið gott hlaupaár eins og þetta gengur núna:O) Vonum það besta og krossum putta fyrir Moi sjálf (",)

Svo ætti að vera æfing á morgun en ég neyðist til að vera í vinnunni annað kvöld og næstu nótt þannig að ég missi af æfingunni:o( Mæti í staðinn á Laugardaginn og tek langa æfingu í staðinn og bæti þannig upp fyrir morgunæfinguna;o)

Kv. frá hinum mikla nýja bílaeiganda, Moi sjálf

P.s. Megið endilega kvitta fyrir komuna, það er svo gaman að sjá hverjir eru að koma í heimsókn á síðuna:o)

Posted by: Sveinbjörg M. / 22:58

Athugasemd(ir):

Til hamingju með bílinn, Voffarnir (VW) klikka ekki :) kv. Agga

# Nafn: