Moi sjálf ~ Kemst þótt hægt fari;o)

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

fimmtudagur, mars 08, 2007

Hálftíminn og MJÖG djúpar pælingar

Fór á æfinguna áðan en ég tók bara stutt í dag. Það mættu reyndar fáir því að það er síðasta Powerade hlaup vetrarins og svona. Tókum allavega hálftímann (sem gerir að sirka 6 km) rólega í ógeðslegu veðri, þvílík rigning/slydda/rok allt mixað saman.

Ætlaði nú að vera þvílíkt dugleg til að bæta upp fyrir gærdaginn en það var bara stutt í þetta skiptið en það breyttist vegna aðstæðna og svoleiðis. Það gekk annars bara vel í dag og moi sjálf þurfti ekkert að labba, ekki einu sinni þær brekkur sem voru á leiðinni. Brekkur eða ekki brekkur á þessum hring, það er spurning.. hehe.. Smá halli, allavega fyrir moi fabulous sjálfa:o) Eeenn... þetta er allt að koma, svei mér þá. Tek bara eina æfingu í einu, vera ÞOLINMÓÐ (sem reynist mér nú ekki alltaf auðvelt eins og margir sem þekkja mig kunna eflaust að vita) og þá kemur þetta;o)

Góðir hlutir gerast hægt!

Ég er kannski búin að tauta og raula eins og brjálæðingur með hlaupin og að léttast og svoleiðis. Mér finnst bara svo ótrúlegt að geta hreyft mig eins og ég hef gert síðustu mánuði. Ég meina, að fara hlaupa eins og mitt ástand var fyrst. Get sagt að það var ekki auðvelt fyrir mig andlega að sjá allt fólkið sem mætti á fyrstu hlaupaæfinguna og flestir í góðu formi, guð hvað ég skammaðist mín fyrir að láta sjá mig þarna með öllum, bakkaði mig eins aftarlega úr hópnum eins og ég gat. Hljóp varla nokkra metra án þess að deyja liggur við úr mæði, þolið var svo slæmt. Ætlaði ekki einu sinni að fara á næstu æfingu en það var eins og ég hefði fengið spark í rassinn og mín hélt áfram ótrauð og er enn að eftir 7 mánuði, guði sé lof fyrir það:o)

Þetta hefur ekki bara verið stórt stökk fyrir andlegu hliðina heldur líka þá líkamlegu. Þvílíkur munur sem er á manni. Miklu léttari á mér þegar ég hleyp. Held að helmingurinn af þessum kílóum og öllu sem farið er sé bara út af hlaupunum og annarri hreyfingu og auðvitað líka mataræðinu, borða fjölbreytt og reglulega. Er búin að prófa að vera á kúrum og einhverjum svokölluðum töfralausnum og maður þarf ekkert að hafa fyrir hlutunum og missir XX kg í hvelli en vitið þið hvað? Þessi XX kg koma bara strax aftur! Tala svo ekki um hvað þetta er hryllilega dýrt í þokkabót, úffpúff.
Það er bara eitt sem svínvirkar og hefur verið þusað endalaust um ég veit ekki hvað lengi: Rétt mataræði í hófi + hreyfing = gerir gott fyrir líkama og sál:o) Trúið mér; been there, done that! Sem segir manni að góðir hlutir gerast hægt (",)
Mér líður allavega æðislega að innan sem utan þessa dagana og á vonandi eftir að verða enn betra:o)

Jæja, best að stoppa rausið í mér í bili, fékk smá útrás;o) Annars er bara æfing á laugardag og löng vinnuhelgi.

Kv. Moi sjálf

Posted by: Sveinbjörg M. / 21:05

Athugasemd(ir):

Góðar pælingar!

# Nafn:

Nafnlaus : 9. mars 2007 kl. 13:12

Góðar pælingar! kv. Agga

# Nafn:

Nafnlaus : 9. mars 2007 kl. 14:59

Skrifa ummæli

2 Athugasemd(ir)

Ég um mig frá mér til mín... ...á "hlaupum"... ...hér og þar og allsstaðar:o)

Moi sjálf:o)

HÉR OG ÞAR OG ALLSSTAÐAR

Hlaupa- og heilsusíður

Fólkið mitt (",)

GAMALT OG GOTT:D

fimmtudagur, mars 08, 2007

Hálftíminn og MJÖG djúpar pælingar