Create your own banner at mybannermaker.com!
MySpace Backgrounds <$BlogRSDUrl$>

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

föstudagur, mars 14, 2008

Föstudagur 

Ji hvað maður er latur að skrifa þessa vikuna eitthvað að það hálfa væri nóg. Búið að vera svo brjálað að gera í vinnunni, hlaupaæfingar eftir það og nánast varla heima á kvöldin, alveg búin á því. Þetta er bara busy vika sem er að enda:o)

Fór á æfinguna á miðvikudaginn og það var auðvitað Fossvogurinn að vanda og að sjálfsögðu öfugur. Gekk bara vel þótt tíminn hafi verið mjög lélegur, bara sirka 1.41.20 klst. eða eitthvað svoleiðis, nenni ekki að ná í Garmgreyið, leti dauðans, úps! Var í rauninni að dúlla mér en tók mjög vel á brekkurnar. Fékk reyndar að kenna á því á brekkunni niður meðfram Borgarspítalanum. Var á þvílíkri siglingu niður brekkuna þegar ég lendi illa með ökklann á pínuponsu hálkublett og það þurfti ekki mikið til. Er búin að vera frekar slæm í síðan. Búin að vera með ökklann vafðan í teygjubindi og það hefur dempað aðeins óþægindi sem koma af og til.

Svo mætti ég á fimmtudag og það var ekki vel mætt, vorum bara fimm og herra foringi mætti ekki þannig að ég ákvað bara að fara niður í bæ og breyta til, langt síðan ég hef farið þá átt. Komst að því í hausnum á mér að það var auðvitað Poweradehlaup um kvöldið þannig að auðvitað mættu fáir! Fékk alveg æðislegt veður og þvílík sól. Hvessti reyndar síðan þegar leið á æfinguna. Fór bara hingað og þangað og endaði samt "bara" í 10.6 km, nenni ekki að skrifa allar göturnar en reyndi að útbúa leiðina á korti hérna fyrir neðan, ógeðslega flott skiluru!;o) Fannst ég hafa farið rosa langt en samt "bara" 10.6 km. Lélegur tími eða 1.46.43 klst. Fékk alveg ógeðslega í magann á 3. kílómeter að ég hélt að ég ætti ekki mikið eftir, er ekki að grínast. Mér til mikillar heppni náði ég að komast alla leið að Olís á Granda og fékk að fara á klóið. Þetta er hræðilegt ástand, mæli sko ekki með hlaupum í því ástandi. Ógeðslega óþægilegt þegar maður er lengst út í "rassgati", ekki með neinn síma, ekki neitt. Leið sko MIKLU betur á eftir, þvílíkt óþægilegt, kom bara allt í einu. Ætli þetta hafi verið "too much information" hehe... en hey! Einhver verður að koma með virkilega "góðar" ráðleggingar eins og í vetur að hlaupa ekki í pissuspreng í hálkuveseni:O)


Ekki haft nógu mikinn tíma til að læra í efnafræðinni en ég vona að þetta fari að koma, plííís! Er í efnahvörfum eða einhverju svoleiðis skemmtilegu núna. Ætla að reyna að hella mér í þetta þessa helgina meðan ég er í helgarfríi:o)

Fríða Rún (þvílíkur megahlaupari, er ein sem tengist þessu verkefni, aðeins að byrja að koma með pínupínu upplýsingar hvað ég er að fara að gera, þetta er reyndar bara fyrir mig. Ef ég skrifa kannski allt strax upp, gæti verið að ég framkvæmi það ekki, smá hjátrú. Nema einhver vill skora á mig til að skrifa það hérna, þá er aldrei að vita;o) hafði pínu áhyggjur af þessu aukahljóði í hjartanu sem doksinn fann í læknisskoðuninni á mánudag. Ætla og bíða og hvað doksinn segir næst þegar ég hitti hann. Finnst þetta dálítið skrýtið en ætla samt ekki að panikka yfir þessu. Er að muna núna að ég "laug" pínu í skoðunni á mánudag þegar hann spurði hvernig gengi í hlaupunum og hvort ég væri alveg meiðslalaus og svoleiðis, maður er náttúrulega of þungur og allt það. Ég sagði að ég væri bara mjög fínt, gleymdi að nefna beinhimnubólguna sem kemur stundum og stundum og hlauparahnéð fræga frá því í haust. Ætli ég nefni það ekki bara seinna.

Fór ekki í Boggupuðið í dag, ætlaði að fara en þorði ekki alveg út af ökklanum og svo var ég beðin að vera aðeins lengur í vinnunni. Það eru þvílík veikindi búin að vera í vinnunni og aðallega hjá hjúkkunum og búið að vera gjörsamlega brjálað að gera, en allir hjálpast að og þetta hefur gengið ótrúlega vel.

Er næstum búin að vinna í tvær vikur á "lýtó" og mér bara líkar bara mjög vel. Búið að taka vel á móti mér. Er allt að koma held ég, en það er ýmislegt sem ég á eftir ólært og ég vona að það eigi eftir að koma.

Jæja, best að fara að gera eitthvað af viti áður en ég nenni ekki neinu;o)

KNÚS, Moi sjálf
Posted by: Sveinbjörg M. / 22:31
Athugasemd(ir): Skrifa ummæli
0 Athugasemd(ir)

This page is powered by Blogger. Isn't yours?