Create your own banner at mybannermaker.com!
MySpace Backgrounds <$BlogRSDUrl$>

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

laugardagur, mars 29, 2008

Jeeeeeeiiiiii!!! ;o) 

Jæja, þá er ég búin með 2. hálfmaraþonið, komið sæl og blessuð segi ég nú bara litla fitubollan;o)
Niðurstaðan var sú að ég KlÁRAÐI hlaupið, jibbí:o)

Skellti mér semsagt í marsþonið. Hitti herra Pétur á fimmtudag og ákváðum að ég tæki þetta sem langa æfingu sem og ég gerði. Það voru nokkrar "leiðinlegar" brekkur á leiðinni sem hann vildi að ég LABBAÐI upp, með áherslu á að labba og auðvitað hlýddi maður því:) Herra foringi var starfsmaður á drykkjastöð út á Nauthól og ætlaði sko að fylgjast með því sem ég gerði og ætlaði að "skamma" mig ef ég færi of hratt eða eitthvað svoleiðis. Fór lítið á fimmtudaginn eða hálftímann og svo lét Pétur mig alveg hvíla í gær.

Tíminn var ekkert alveg til að hrópa húrra fyrir. Hann var um 2-3 mínútum slakari heldur en í ágúst. Það var rosa flott veður með sól en samt mjög kalt og mikið rok. Fyrri hlutinn út á Ægisíðu gekk alveg rosalega vel, miklu betri en ég þorði að vona. Labbaði ekkert fyrir utan brekkurnar og náði líka að halda svipuðu tempói, frá sirka 7:30 til 8:20 mínútna tempói sem er rosalega ótrúlegt miðað við mig, þó þetta sé alls ekkert svo sérstakur hraði. Svo var það snúningspunkturinn á Ægisíðunni og var alveg ógeðslega þyrst þar og svo fór ég tilbaka og þá byrjaði allt að vera eitthvað svo erfitt, vindurinn jókst og það hægðist smám saman á mér, svona á sirka 12. kílómeter. Þá hugsaði ég bara um að klára og klára og aftur klára og þurfti að labba meir og meir en tók samt smá sprett inn á milli. Þegar sirka 2-3 km voru eftir var kominn frekar mikill vindur og ég var komin með mikla þreytuverki í kálfana og iljarnar en þrátt fyrir það tók ég rosalegan endasprett í markið þegar þeir sem voru eftir sem var alveg ágætur slatti, beið í markinu og hvöttu mig brjálað áfram og fékk þá smá rakettu í rassinn. Var bara ansi ánægð með grey leggina mína, makaði hitakremi á þá áður en ég fór af stað. Fann reyndar aðeins fyrir þeim á fyrstu metrunum en þeir löguðust síðan bara þegar á leið og fann þannig séð ekkert fyrir þeim. Eins og ég segi var tíminn ekkert sérstakur, tveim mínútum eða svoleiðis verri en síðast, eða 3:09 klst. meðan fyrstu maraþonhlaupararnir voru um 3:40 klst! Ó mæ lord hugsaði ég nú bara, frekar MIKIÐ lélegt haaaa... Á annars fyrir 3:07 síðan í ágúst.

Er svosem sátt í heildina séð og að hafa klárað. Hefði samt viljað að bæta tímann minn þó það hefði bara verið ein mínúta. Hugsa samt að ég hefði getað bætt hann ef ég hefði ekki labbað þetta mikið í bakaleiðinni og þreyst í fótunum og hefði líka verið minni vindur, "hefði" og "ef", það er alltaf svoleiðis, má samt þakka fyrir að þetta er ekki eins og í fyrra þegar var snjór og slabb og ógeð, er mjög þakklát fyrir það:) En er samt sátt við fyrstu tíu eða ellefu km. Þarf að byggja við það. Kannski var ég líka illa undibúin. Borðaði frekar illa og lítið í gær, var svo löt og hálflúllandi allan daginn eftir næturvaktina og svo svaf ég illa í nótt og þar var svolítið mikið stress í gangi, þó ég hafi ætlað að keppa við sjálfa mig, stressast ég rosalega upp og hugsa hvort ég geti bætt tímann minn og bara allskonar pælingar. Semsagt, það voru bæði kostir og ókostir hjá mér. Er eiginlega farin að hallast að fara hálft í ágúst. Finnst vegalengdin fín og ræð alveg við hana. Bíð kannski aðeins með "draumahlaupið" þó svo hjartað vilji það en heilinn er held ég að hafa vinninginn í bili;o) Þetta var bara mjög gott hlaup til að setja í reynslubankann og reyni að bæta í við hann með tímanum:0)

Fór semsagt stutta æfingu á fimmtudaginn og tók bara hálftímann sem gerir að 5.6 km og svo bættust einhverjir hundrað metrar við, vá big deal! ;o) Var bara asskoti ánægð með hringinn. Komst í fyrsta sinn undir 50 mínútur (vá merkilegt!) og fór semsagt þessa 5.7 á 49:10 mín. sem ég er ansi sátt við. Náði að halda sama tempóinu nokkurn veginn allan tímann og var með ágætis hraða og þurfti varla að labba, bara nokkrum sinnum í nokkrar sekúndur og hélt svo ótrauð áfram.

Svo er það bara hvíld á morgun og vinna á mánudag og þoltest á mánudagskvöldið og af þeim sökum fer ég ekki á æfingu að ráði Péturs og Fríðu Rúnar og hvíli eins og ég get enda er ég að deyja í hnjánum og lærununum núna. Er samt svo megastressuð fyrir þetta að ég muni ekki bæta mig og slíkt, hjááálp!! Ég verð alveg ógeðslega fúl út í sjálfa mig ef mér tekst þetta ekki, í alvörunni og veit varla hvað á gera við mig! Ég sá samt á fyrstu 12 mínútunum í dag að ég gæti þetta svosem ef ég fer ekki rosalega hægt og haldi sama hraðanum. Var komin upp í rúma 1500 metra eftir fyrstu 12 mín. þannig að það verður núna að krossa putta og tær fyrir að þetta takist. Þarf að bæta mig um 150 metra eða eitthvað svoleiðis, fór 1440 metra síðast. Vonum það besta.

KNÚSknúsKNÚS, Moi sjálf


Posted by: Sveinbjörg M. / 18:22
Athugasemd(ir):
Til hamingju með að hafa klárað hlaupið!!!! :-D Og til hamingju með að hafa farið þessa 5,7 km á undir 50 mín í fyrsta skipti!!! :-D Og svo bara þoltestið á mánudaginn? Þú rúllar því upp! ;-) Annars verð ég bara tilbúin með sundfötin við tjörnina! ;-D Mundu... 7,8 á brettinu og þú nærð þessu! :-D
# Nafn: Anonymous Nafnlaus : 30. mars 2008 kl. 11:46
 
Takk fyrir þetta:) Þú manst eftir þessu með tjörnina haaa... ;-) Ætla að gera mitt besta, algjörlega, lofa því:o)

Knús**
# Nafn: Blogger Sveinbjörg M. : 30. mars 2008 kl. 12:06
 
Til lukku með þetta dúllan mín..
Kv.Hildur
# Nafn: Anonymous Nafnlaus : 30. mars 2008 kl. 17:24
 
Æðislegt hjá þér! Oh þú ert svo óóótrúlega dugleg! Stolt af þér! knús, Helen
# Nafn: Anonymous Nafnlaus : 1. apríl 2008 kl. 23:46
 
Takk sæta mín, hvað þú ert yndisleg í þér:)

Er rosa ánægð með þetta. Þá eru 2 hálfmaraþon og eitt þriggja tíma hlaup að baki og vonandi margt fleira á leiðinni:o)

Stórt knús**
# Nafn: Blogger Sveinbjörg M. : 1. apríl 2008 kl. 23:58
 
Skrifa ummæli
5 Athugasemd(ir)

This page is powered by Blogger. Isn't yours?