Create your own banner at mybannermaker.com!
MySpace Backgrounds <$BlogRSDUrl$>

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

fimmtudagur, apríl 17, 2008

Jææææjaaa... 

...í fréttum er þetta helst..... ....þó seinar séu og haldið ykkur fast.... ;)

Skellti mér í Flóahlaupið á laugardaginn og dúllaði mér í 10 km. Get ekki sagt að ég hafi farið frægðarferð í þetta skiptið, aðallega bara æfinga og aftur æfingahlaup, það verður bara þannig hugsunarháttur fram að RVK-maraþoni. Tíminn var bara lala. 90:20 mín. Byrjaði frekar illa hjá mér. Leggirnir voru beinlínis að drepa mig, beinhimnubólgan ákvað að skella sér á lappirnar um leið og ég fór af stað, samt var ég búin að setja smá hitakrem áður. Þegar ég var nýlögð af stað þurfti drykkjarbeltið endilega að losna þannig að ég var mjög skrautleg fyrstu sirka 2 km, hélt beltinu með báðum höndum og leit út eins og ég væri að dansa fugladansinn, vantaði bara smá rassadillerí. Náði að laga beltið þegar engin(n) sá til, svolítið hallærislegt að labba eftir 200 metra til að laga beltið.. hehe.. Svo til að toppa allt, dó Mp3 spilarinn minn eftir 7 km þannig að það var bara grafarþögn síðustu 3 km, yndislegt! En maður kláraði þetta og tók bara ansi vænan lokasprett eins og ég er orðin vön held ég... ..miðað við RVK-maraþon 2007... þeir sem muna eftir því Kodak momenti... ;o) Er ekkert rosalega sátt eða ósátt við hlaupið. Þetta fer bara í reynslubankann og nýtist mér vonandi. Svo voru kökur og rjómatertur og annað hryllilega gott gotterý í boði kvenfélagsins.

Svo skellti ég mér í sveitina til að nýta mér helgarfríið. Hékk eiginlega í leti allan tímann, prófaði pínuponsu nýju NB skóna og það litla sem ég testaði þá virkuðu þeir fínir en þarf að prófa þá meira því á laugardagsnóttina byrjaði að snjóa og allt í kaf og slabbógeð takk fyrir!! Einmitt það sem ég óskaði mér og þið ættuð bara að vita hvað sumir urðu glaðir.... eða EKKI!! Var sko aldeilis ekki sátt við þetta. Druslaði mér reyndar aðeins út í snjóinn á mánudagsmorgunn áður en ég fór heim og beint í vinnuna. Tók sirka 9.0 km hér og þar í kringum þorpið á einhverjum hundlélegum tíma, u.þ.b. 1.50.00 klst. Svo fór ég í bæinn og Fúsi bró sagði mér að vera viðbúna að fara moka í innkeyrslunni til að koma bílnum fyrir en þegar ég kom í bæinn, þá var það bara ENGINN snjór, bara alls enginn, JIBBÍÍÍÍ.... Var alveg geðveikt glöð yfir þessu öllu saman:)

En hey já, fór til hjemmelæknisins í gær í smá tékk og athuga hvað kom úr blóðprufum og hvað hann vildi gera með litla hjartavesenið. Blóðprufurnar komu bara vel út og sykurinn var súperflottur eða 4.7 sem er bara great. Eina sem hann sá var að B12 var orðið allt of lágt frá síðustu prufu. Hann sagði að það væri nánast á mörkunum að ég þyrfti sprautu við því en hann vildi prófa fyrst að ég færi á B12 töflur og svo fer ég aftur í blóðprufur eftir hálft ár og sjá hvað verður búið að gerast. Hlustaði mig líka og fannst þetta ekki vera mjög mikið aukahljóð en vildi samt senda mig til hjartalæknis í hjartaómun og tékk bara til öryggis og svona af því að lungnalæknirinn í verkefninu sem ég er að taka þátt í, vildi senda mig líka í ómun. Það er kannski líka af því að pabbi fór úr hjartaáfalli, þannig að það er bara better be safe than sorry þó þetta sé örugglega ekki neitt. Mér til mikillar gremju er ég heilum tveim cm lægri en ég hélt síðan ég var sirka 15 eða 16 ára, ARG! Ég var svo stolt að vera 165 cm en er víst bara 163 cm, úbbúbúbb, lítil feitabolla, ekki er það flott haaa.. Vigtin er bara sú sama upp á gramm liggur við, þyngist ekki (hjúff, sem betur fer) eða léttist (arg!) Er bara orðin óþolinmóð og leið á þessu því ég er svo innilega að reyna og reyna og aftur reyna að gera hvað sem ég get til að minnka þetta fituógeð, en það þýðir ekkert annað að reyna áfram. Doksinn minn peppaði mig bara áfram og sagði að það væru nú ábyggilega ekki margir sem væru í minni stöðu (þyngdin og svona) sem gætu skokkað og hlaupið og ætti bara að vera stolt af sjálfri mér, þá lyftist nú brúnin aðeins. En hann er búin að þekkja mig síðan ég var 2ja ára og veit greinilega hvað þarf að segja mér til að mér líði betur:)

Guð, eftir að ég kom heim frá lækninum var hringt dyrabjöllunni og ég ætlaði varla að nenna að svara en svo var hringt og hringt og legið á bjöllunni. Hélt að einhverjir í húsinu hefðu læst sig úti. Opnaði dyrnar og þá stóðu þar tveir útigangsmenn, ógeðslega illa hirtir og greinilega nýbúnir að drekka í sig kjark, MIKINN kjark og lyktin, ojbara. Mér var ekkert sama sko.
Þeir: "Ert'að leigja herbergi?"
Ég: "Nei, ekkert svoleiðis"
Þeir: "Jú, það er víst hægt!"
Ég í panikk: "NEI, það býr fólk hérna!"
Þeir: "Hver býr þá í kjallaranum..?"
Ég: "Það býr fólk þarna"
Þeir: "Er þetta ekki Þrepið?"
Ég ógeðslega fríkí hrædd: "Nei, það býr bara fólk hérna.."
Þeir frekar pirraðir: "Þetta er VÍST Þrepið, það var það fyrir mörgum árum!"
Ég í enn meira panikki: "Já, en þetta er ekki Þrepið lengur, bara venjulegt hús með fólki í..." Svona hélt þetta áfram í nokkrar mínútur og ég var bara alltaf ó mæ god, vissi varla hvað átti að segja nema: "Það býr fólk hérna...." Svo loksins hættu þeir og ætluðu að fara.
Þá segir hinn: "Má ég fá að pissa hjá þér"
Ég: "Nei, það geturðu sko ekki!"
Benti þeim á sjoppu neðar í götunni, en vissi reyndar að hún væri hætt, bara til að koma þeim í burtu.
Hinn: "Get ég pissað þar?"
Ég: "Já, já, auðvitað!!"
Svo fóru þeir. Dí hvað ég var hrædd maður. Voru vel fullir og neituðu að hreyfa sig. Annar lá fyrst á tröppunum eins og hann væri dauður bara. Þetta var eitthvað meðferðarheimili fyrir hundrað árum síðan eða eitthvað, löngu áður en leigukonan mín keypti húsið. Mundi eftir þegar hún var að segja mér frá sögu hússins. Auðvitað fór ég ekki að segja þeim það.

Svo var það æfing í gær, loksins mætti maður á Laugaskokksæfingu. Fólk spurði mig á fullu hvar ég hefði verið... hmm.. ætli einhver hafi saknað MÍN af öllum... hmm... skrýtið:-) Allavega, það var blessaður Fossvogurinn tekinn eða 10 km. Ekkert spes tími, 1.32.00 klst. eða eitthvað svoleiðis. Fór öfugan hring eins og venjulega og var hann sá síðasti í bili því að herra foringi skammaði mig svolítið á æfingunni í dag að nú yrði ég að fara að spýta enn meira í lófana og gjöra svo vel að fara upp asskotans Borgarspítalabrekkuna (smá umorðað hjá mér;o) Spretti allavega eins og brjálæðingur niður brekkuna hjá vinnunni minni (gaman að segja þetta og plús að ég fattaði líka að þetta gæti orðið fínn pissustoppstaður ef ég er alveg í spreng og hlaupið inn á deildina mína, hver segir að það sé ekki sniðugt að skipta um vinnustað:þ) Var bara nokkuð sátt svona við æfinguna í heild í góðu veðri fyrir utan asskotans rok, liggur við að maður hafi verið stundum í slow motion hreyfingu og varla komist áfram, frekar fyndið sko. Eftir æfinguna fór ég aðeins í sund og tók einhverja 500 metra skrið á rúmum 10 mínútum, ekkert sérstakt og með smá svindli eða a.k.a. blöðkur:þ

Svo var það æfing í dag að sjálfsögðu og við vorum reyndar ekkert ógeðslega mörg en það er nú ástæða fyrir því, þar sem það eru margir að fara að keppa í Boston maraþoni. Oh hvað mig langar geðveikt að fara eitthvað til útlanda að hlaupa í svona keppni. Sé það nú bara í hyllingum eftir svona kannski 30 ár ef að fitubollan verður einhvern tímann heppin... hmm... spurning.. Allavega, þá fékk ég semsagt aðeins að heyra það frá herra foringja um að fara bæta í og bæta í o.s.frv. og þar af leiðandi má ég ekki hlaupa Fossvoginn öfugan.. arg... :o/ Sagði líka að maí yrði algjört hell hjá mér og það yrði tekið á, úff pressan. Er svo hundömurleg í brekkum að það hálfa væri nóg, úffpúff. Það var Elliðarárdalurinn í dag sem var tekinn og fór út að Árbæjarstíflen sem gerir að 11.5 km á geðveikt sökktíma eða sirka 1.48.00 klst. í sko geðveikisroki, þetta var varla sniðugt og ef ég var einhvern tímann í slow motion hreyfingu í Fossvogshringnum í gær, þá var það þrefalt verra núna. En veðrið var annars bara rosa flott fyrir utan þetta damn rok. En maður verður víst bara að taka Pollýönnu vinkonu á þetta, það þýðir ekkert annað.

Fúsi bró fór með hann Óla greyið mitt í skoðun í dag og hann fékk fulla skoðun án athugasemda og ´10 merki á bílinn, jibbíjei!!!! Hann var sko með ´08 merki, en af því að hann er 2005 módel þá fékk hann ´10 merki:):) Var svo geðveikt ánægð þegar ég sá nýja merkið á honum, hoppaði ég um innkeyrsluna á táslunum alveg kreisý af ánægju. Svolítið klikkuð haaa... þarna vilduð þið ekki þekkja mig... ...hehe... ;o) Ótrúlegt hvað það þarf ekki meira til að gleðja mann;o)

Svo er kvöldvakt á morgun þannig að ég missi af Boggupuði í enn eitt skiptið, þarf að fara að taka mig á þar, skamm, skamm Sveinbjörg! Ætti að komast næsta föstudag. Svo missi ég líklegast af tveimur Laugaskokksæfingum í næstu viku:o/ Er á morgun/næturvakt á mánudag, en fer út að hlaupa þegar ég slepp út af morgunvaktinni og tek þá líklegast Brúnaveginn "minn" og eitthvað skemmtó og svo á miðvikudag er vorgleði/árshátíðarfílingur hjá hjartó og mín ætlar að mæta sem kannski "leyni"gestur eða þannig:þ Verð eiginlega að láta sjá mig en ég verð í fríi þannig að ég slugsa ekki að hlaupa og fer væntanlega Fossvoginn fyrri partinn ef guð leyfir mér og fer hann réttan, það verður álag maður, úff! ;-) En ég kem á venjulega æfingu á fimmtudag, I promis:)

Jahérna hér, ég er þekkt fyrir rosalega lööööng SMS (spyrjið bara t.d. herra foringja;þ) og mjöööög löööng e-mail (spyrjið bara t.d. Fríðu Rún;þ) en þarna held ég að ég hafi toppað sjálfa mig í blogginu, Jesús Pétursson barasta;-) Þetta er dágóður vikuskammtur haaa... Ætla að reyna að vera duglegari að vera updata en það er bara búið að vera brjááálað að gera eitthvað að ég hef varla tíma í neitt, guð hvað ég hlakka til að komast í sumarfrí, úffpúff. Ef ykkur leiðist ætti þetta kannski að redda pínulítið þótt ekki mjög merkilegt sé:) Veit ekki hvenær næsta bloggerí verður. Kannski eftir viku... Dónt knów, we´ll see;o)

Knúserí*Knús*Knús, Moi sjálf


P.s. Læt fylgja tvær myndir í viðbót af marsþoninu:)


Sjáið bara lífsgleðina í stelpunni, það er allt hægt ef viljinn er fyrir hendi (þó maður sé feitur:þ)

Je maður minn, geðveik gella eftir tæpa 6.0 km haaa...

P.s.s. Gangi ykkur æðislega vel á mánudaginn elsku Laugaskokkarar sem eruð að fara í Bostonmarþon. Það verður hugsað mikið til ykkar og sent fullt af orkustraumum. KNÚS**
Posted by: Sveinbjörg M. / 22:19
Athugasemd(ir):
Ég held að þú munir græða helling á því að fara hringinn réttan! Brekkur eru nú bara hraðaæfing í dulargervi! ;-) Svo getur það líka farið mjög illa með hnén að vera að hlaupa mikið niður brekkur!
# Nafn: Anonymous Nafnlaus : 18. apríl 2008 kl. 17:36
 
Æðislegar myndir..
kv.Hildur
# Nafn: Anonymous Nafnlaus : 18. apríl 2008 kl. 19:35
 
oh þú ert svo dugleg!!! Stolt af þér! :) keep up the good work!
knúúús,
og gleðilegt sumar á morgun! ;)

Helen
# Nafn: Anonymous Nafnlaus : 23. apríl 2008 kl. 11:26
 
Skrifa ummæli
3 Athugasemd(ir)

This page is powered by Blogger. Isn't yours?