Moi sjálf ~ Kemst þótt hægt fari;o)

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

fimmtudagur, júlí 24, 2008

Loksins mætt svæðið aftur:o)

Lata stelpan mætt á svæðið:o) Man hvað ég elskaði þessar bækur um lötu stelpurnar í den tid.. hehe...

Það var geggjað veður um helgina þegar við Linda Björk vinkona skelltum okkur í Þórsmörkina eftir vinnu á föstudeginum. Fengum þetta súperdúpergóða veður að það hálfa væri meira en nóg. Ég bjóst við ágætisveðri en vá það sem kom síðar! Fengum okkur að borða þegar við komum inneftir í Húsadalinn þar sem vorum í um helgina. Steiktum okkur hreindýrahamborgara sem var bara fínn, hef aldrei smakkað hreindýr áður en þetta var asskoti ágætt eins og menn segja í sveitinni:) Gistum bara í skála sem var mjög fínt. Þurftum að elda á svona gashellu sem var reyndar frekar gamaldags og Linda Björk lét mig fá það hlutverk að kveikja á gasdótinu og því. Held að hún hafi verið næstum búin að pissa í sig af hlátri yfir tilburðunum í mér. Brenndi mig svona hundrað sinnum á puttunum af eldspýtunum sem ég var búin að brenna upp og loksins líka þegar ég náði að kveikja á þessu dóti og síðan var ég líka búin að kveikja í skálanum eða samkvæmt reykskynjaranum þegar ég var að elda... ehehehe... ég stóð eins og asni við pönnuna og gerði ekki neitt meðan Linda mín reddaði þessu. Grey útlendingarnir hlupu eins og ég veit ekki hvað út, héldu að ég hefði nú endanlega kveikt í kofanum haaaa...

Eftir matinn fórum við út að líta í kringum okkur og rölta aðeins um. Hittum eitthvað hestafólk sem var frá bæ í Landeyjunum. Ein stór familía eða um 40 manns. Það virtust slatti þekkja mig út af þeir þekktu Fúsa bró og hann þekkja reyndar flestir. Það var alltaf þannig alla helgina: "Já, þú ert systirin hans Fúsa..." Það þekkti mig engin(n) með nafni heldur að ég væri systirin hans Fúsa. Já sæll, eigum við að ræða það eitthvað?;o) En þetta var bara mjög gaman. Hópurinn fékk að kveikja varðeld sem þeir hafa ekki fengið áður og það var rosa gaman, sungið og trallað og maður var orðinn ansi mikið jolly í lokin.. hehe..

Daginn eftir fórum við í smá göngu, var kannski bara 5 km en tók VEL á, það get ég sagt, samt örugglega ekki fyrir þá sem eru í miklu betra formi en ég hehe... Samt pínulítið stolt af sjálfri mér þótt ótrúlegt sé. Löbbuðum frá Húsadal í Langadal og þaðan í Bása og stoppuðum þar í rúman klukkutíma eða eitthvað svoleiðis. Ákváðum svo bara síðan að fara með rútunni niður í Langadal. Gungan ég þorði ekki að labba aftur þangað frá Básum því það var smá kafli á leiðinni að brúnni sem var svo brattur sem lá beint niður í ána (ég veit, er svo mikið dramaqueen!!) og það var ekkert hægt að halda sér í neitt, no grip at all! Var líka aðeins of stórum skóm sem ég fékk lánaða þannig að ég var bara mjög óörugg með mig. En við löbbuðum frá Langadal og tilbaka í Húsadal og hentum okkur í sólbað (má reyndar ekki við því en það er ekki hægt að hanga inni í svona veðri sko!) Höfðum það bara kósý og grilluðum okkur ógeðslega gott svínakjöt og kartöflur og dót og borðuðum úti, jammí*jammedí*jamm:o) Svo var bara drukkið, spjallað, spilað og haft enn meira kósý. Sváfum út á Sunnudeginum, áttum það eiginlega skilið. Áttum ekki mjög góða nótt. Linda Björk komin með einhverja hálsbólgudrasl og var hóstandi alla nóttina og ég gat ekki sofnað út af brunananum, það var svo hryllilega vooooont að snúa sér. Hélt ég myndi bara deyja, ái!! Fórum aðeins í labbitúr um hádegið og löbbuðum upp að klettinum stóra sem er fyrir ofan, það er einhver hellir þar sem heitir Sönghellir. Fórum heim seinnipartinn glaðar eftir æðislega helgi. Það var svo mikið af fólki í Þórsmörk að það þurfti fjórar rútur minnir mig til að ferja það út á Hvolsvöll. Vorum svo heppnar að við náðum að komast í fyrstu rútuna. Upprunalega áttu bara að fara tvær rútur en það var bara svo mikið af fólki "afgangs" að það þurfti að kalla út. Hinar rúturnar voru svosem ótrúlega fljótar á staðinn. Svo þegar við vorum loksins komin þjóðveginn heyrðist alveg þvílíkur hávaði eins vélin hefði sprungið eða eitthvað, það dauðbrá öllum. Kom í ljós að það hvellsprakk svona myndarlega á einu dekkinu. En sem betur fer reddaðist þetta og rútan dólaði í rólegheitunum á Hvolsvöllinn. Þetta var alveg æðisleg helgi.

Svo er bara vinna dauðans að það hálfa væri nóg. Var morgunvakt á mánudag og þriðjudag og síðan næturvakt á þriðjudagskvöldið og fram á næsta mánudag! Lét eiginlega plata mig í þetta. Vantaði svo mikið um helgina að það hálfa væri nóg og ég er svo mikill vorkennari í mér. Tek semsagt 8 vaktir á 7 dögum og þarf af 6 næturvaktir í röð, búin með 2 tvær 4 to go! Guð hvað ég verð fegin þegar 6. vaktin verður búin, úffpúff...

Hlaupin mættu vera betri en samt held að ég sé að komast loksins í smá gír aftur. Síðasta vika var bara 9 km plús góðir og erfiðir labbitúrar í Þórsmörkinni. Búin að vera hlaupa ein í þessari viku út af öllum þessum næturvöktum. Verð að geta sofið eitthvað þannig að ég fer út að hlaupa eftir að ég vakna.

Jæja, held að ég sé komin með allt update sem ég veit um í bili, þvílíkt mas er í sumum haa... Læt fylgja með link á myndirnar úr Þórsmörk. Svo er líka komið nýtt viðtal við mig út af astmamaraþoni á heimasíðu Astma- og ofnæmisfélagsins. Læt linkinn fylgja líka með ef þið nennið að kíkja þangað á bolluna:o)

http://picasaweb.google.com/Sveinkapeinka/RsmRkHSadalur1820JL2008 (Myndir)

http://ao.is/?c=webpage&id=112 (Viðtal)

Knús og kram inn í helgina elskurnar mínar, Moi sjálf

Föstudagur 1. ágúst kl. 16:00: Soooorrý, búin að vera afskaplega miiiikið löt að blogga. Er bara búin að vera að vinna ógeðslega mikið að ég hef varla vitað af mér. Er komin í 50% næturvaktir frá og með 1. júlí. Þá hækka launin allavega pínu. Blogga kannski betur á sunnudag. Er að fara í sveitina núna og dúlla mér og hanga í leti um helgina. Hafið það gott elskurnar um helgina og gangið hægt um gleðinnar dyr:o) Knúúúuús!!:)

Kvittkvitt.... :)

Lít ég út eins og alvöru göngugarpur þarna...? Eða kannski næstum því...? Hehe... ;o)

Posted by: Sveinbjörg M. / 16:03

Athugasemd(ir):

Hæ sæta:) miss u:*
Telma

# Nafn:

Nafnlaus : 31. júlí 2008 kl. 16:22

hæ skvís!

heyrðu nei ég hef ekki farið fimmvörðuhálsinn, en er alltaf á leiðinni! :)
hafðu það gott um helgina!
knús, Helen

# Nafn:

Nafnlaus : 1. ágúst 2008 kl. 13:24

Telma: Takk fyrir hittinginn í gær, var ofsa gaman:)

Helen: Takk sömuleiðis. Ætla að skella mér í sveitina núna um helgina (aðallega til að losna undan vinnunni.. hehe.. :þ) Fer mín ekki bara í aðra góða útilegu?;o)

Hey já, er ég þá ekki bara búin að finna þá ferðafélaga hehe... ;o) Langar að stefna að þessu. Er farin að stúdera þetta á fullu og googla og svona. Þarf svo að finna mér góðan ferðafélaga sem nennir að labba. Vinkona mín sem kom með mér í Þórsmörk ætlar líklegast að skella sér til Brasilíu í tvo mánuði, arg..:)

Knús á þig sæta mín um helgina:)

# Nafn:

Sveinbjörg M. : 1. ágúst 2008 kl. 15:19

Hæ skvís bara kvitta fyrir kíkið..Langt síðan við höfum sést.!!Hafðu það gott í sveitinni, kv.Hildur

# Nafn:

Nafnlaus : 2. ágúst 2008 kl. 04:36

Skrifa ummæli

4 Athugasemd(ir)

Ég um mig frá mér til mín... ...á "hlaupum"... ...hér og þar og allsstaðar:o)

Moi sjálf:o)

HÉR OG ÞAR OG ALLSSTAÐAR

Hlaupa- og heilsusíður

Fólkið mitt (",)

GAMALT OG GOTT:D

fimmtudagur, júlí 24, 2008

Loksins mætt svæðið aftur:o)