Ég um mig frá mér til mín... ...á "hlaupum"... ...hér og þar og allsstaðar:o)

• Gekk ágætlega í hlaupunum framan af ári. Tók þátt í 2 hálfmaraþonum og nokkrum 10 km hlaupum. Bætti mig reyndar ekkert en náði að klára sem er fyrst og fremsta markmið sem ég stefni að í hverju hlaupi sem ég tek þátt í.
• Byrjaði í nýrri vinnu á lansanum í mars og færði mig frá Hringbraut upp í Fossvog á deild A-4 sem er lýta, bruna, háls, nef og eyrnadeild. Svolítið langt nafn.. hehe.. En mjög gaman og lærdómsríkt og krefjandi í alla staði og yndislegt starfsfólk (eins og á hjartanu mínu:-)
• Tók þátt í astmaverkefni sem hét Astma-maraþon 2008 og það var til að sýna að fólk með astma gæti tekið þátt í íþróttum eða stundað þá hreyfingu sem hægt er með réttri notkun réttra lyfja. Það gekk ágætlega. Kláraði markmið um að klára hálfmaraþon í RVK-maraþoni þótt það hafi verið mjöööög erfitt en það hafðist.
• Byrjaði í nýju astmaverkefni sem heitir Astma-fjallganga 2009 (http://www.astmafjallganga.is/) og er markmiðið að fara á Hvannadalshnjúk í 16. maí ef allt gengur upp, 7-9-13. hefur gengið ágætlega og komist á topp á öllum fjöllum sem ég hef farið nema ekki alveg á einu þeirra, munaði samt litlu. Komst ekki á toppinn vegna tímaskorts;-)
• Hef ekkert hlaupið síðan í september vegna meiðsla í fyrstu fjallgöngunni, talsvert aumingjalegt að mínu mati:-( Missteig mig mjög illa á ökkla og er búin að vera slæm síðan og líka verið slæm í hnénu á sama fæti. Búin að vera á fullu í sjúkraþjálfun reglulega sem gengur fínt en er þó aldrei alveg verkjalaus í ökklanum en meðferðin hjálpar þó til og svo er ég byrjuð í allsherjarprógrammi hjá frú sjúkraþjálfara:) Er með þvílíkt samviskubit að hafa ekki komið á hlaupaæfingar síðan, skammskamm:( Ég hugsa þó alltaf til félaganna:)
• Tók efnafræðiáfanga í vor sem ég náði, jibbí:) Tók annan efnafræðiáfanga í haust sem gekk því miður ekki og féll í honum, mjög sár og svekkt yfir því:-(
• Lenti í þeirri hræðilegri lífsreynslu að fljúga út af veginum á Hellisheiðinni í haust (Þegar ég var ein að keyra í jarðarför hjá nánum ástvini, ömurlegur dagur vægast sagt) og munaði litlu að það yrði verra en það varð. Hef verið frekar lítil í mér síðan og fengið reglulega martraðir og flashback og "viðkvæmisköst" en reyni að harka af mér því ég veit að ég á að vera hætt að hugsa um þetta. Get bara ekkert að þessu gert að þetta er fast í hausnum á mér. Hef fundist ég vera mikill aumingi eitthvað.
• Þorði að kveikja á rakettu á áramótunum, finnst ég vera ofsa mikil hetja eitthvað, NOT! ;þ Búin að vera með fóbíu að vera nálægt svona dóti.. hehe.. :)

Veit eiginlega ekki hvað ég á að bæta meiru við þarna en þetta er svona sirka highlight-ið á árinu sem leið, eins og ég segi, ekkert mjög merkilegt í heildina en bara svona lala..

Hafði það annars bara alveg mjög gott um jólin. Var í talsverðu fríi og gerði ekki neitt bókstaflega, letin í manni. Fékk mikið af fallegum og yndislegum gjöfum, takk fyrir mig allir:) Var reyndar talsvert heimsk að fara austur í brjáluðu veðri á Þorláksmessu, ég sagði það meira að segja það við sjálfa mig upphátt þegar ég var komin niður af heiðinni. Það var bilað veður á heiðinni, kolsvarta myrkur, grenjandi rigning og endalaust sviptivindur og í fyrsta sinn síðan ég lenti í slysinu sem ég var að fara yfir heiðina. Þegar ég sá staðinn sem ég lenti á láku tárin niður ósjálfrátt hjá grenjuskjóðunni og hjartslátturinn var að drepa mig vægast sagt. Þetta var ótrúlega óþægilegt og gerðist líka á leiðinni heim úr sveitinni, þá sá ég staðinn betur og sá að ég lenti nær fjallsbrúninni en ég hélt og að ef ég hefði oltið þá hefði ég farið niður Kambana og grenjuskjóðan ég byrjaði aftur og þessi óþolandi hjartsláttur. Þoli ekki þennan aumingjaskap. Það er margt fólk sem lendir verr í þessu en ég. Má bara vera fegin að vera á lífi og hætta þessu bévítans væli og hana nú! Smá útrás hjá sumum...

Annars er það bara vinna dauðans. Var á Gamlárskvöld og síðan á næturvöktum þessa helgina og allt kreisý. Svo er það bara sjúkraþjálfun og prógramm á fullu og fjallaæfing næstu helgi og astmaæfing í vikunni og svo verður afmælispartý hjá Fúsa bró á laugardaginn. Hann er að verða þrítugur á mánudaginn elsku kallinn:-)

Best að fara að gera eitthvað af viti, hlakka til að fara heim að lúlla:)

Knús á línuna, Moi sjálf