Moi sjálf ~ Kemst þótt hægt fari;o)

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

fimmtudagur, apríl 23, 2009

GLEÐILEGT SUMAR!! :-)

Gleðilegt sumar kæru vinir:)

Það er nú mest lítið að frétta en bara allt ágætt fyrir utan bakið og ökklafjandann. Afsakið orðbragðið, smá pirringur í gangi hjá sumum. Er búin að vera hrikalega slæm af verkjum og orðið það slæmt að þegar ég geng leiðir verkurinn í mjóbakið sem ég verð slæm í þegar ég sit lengi og eða þegar ég er að snúa sjúklingum. Þetta er orðið að veseni þegar þetta kemur þegar ég labba um. Það er líka eflaust af því að ég stíg svo vitlaust í til þess að passa auma fótinn. En ég er komin með tíma hjá bæklunardoksa í Orkuhúsinu út af þessari liðspeglun þann 5. maí. Tel dagana niður þar til ég hitti hann því ég er orðin svo innilega þreytt á þessu. Held að þetta sé bara skoðun af því ég hef ekki hitt hann áður. Sjáum hvað gerist. En ég var svo slæm í gær í vinnunni að það munaði minnstu að ég færi að hágráta, tók mjööög djúpan anda í hverju skrefi til að skæla ekki. Jæja, maður víst að vona það besta bara.

Fór á vorfagnað Lyflækningasviðs 1 í gær. Var smá leynigestur hjá henni Ellu minni og það tókst ágætlega því stelpurnar voru búnar að velta fyrir sér hver þessi +1 væri… héldu að hún væri búin að fá sér kall... hehe… snilld!! :-) En það var rosa gaman. Bjarni töframaður var veislustjóri sem fór á kostum. Svo var eitthvað djasstríó sem var flott. Þóra Arnórs. úr Útsvarinu kom og stjórnaði Útsvarsbaráttu á milli Hringbrautar og Fossvogs. Það var eiginlega frekar erfitt fyrir mig að fylgjast með einhverjum því ég var svo hrikalega hlutdræg en ég ákvað það fyrst að það var partý á lyfjasviði og ég vinn á skurðsviði og ég sat á borði hjá Hringbraut, þannig að ég fylgdist með Hringbraut sem vann síðan… hehe… :-) Svo var hið klassíska video hjá þessum snjöllu hjartastelpum eins og venjulega. Fékk næstum astmakast af hlátri án grins, náði varla andanum, snilld… hehe.. En þetta var rosa gaman og takk fyrir skemmtunina sætu skvísur og gaman að hitta á ykkur allar:-)

Svo er ég núna í 7 vakta törn á 7 dögum og búin með 3 og svo 4 núna um helgina. Úff, wish me luck!! Reyni að vera dugleg að mæta í sjúkraþjálfunina að gera prógrammið mitt. Tekur alveg einn og hálfan tíma og tekur VEEEL á! Ég er komin á annað þrep í ökklaprógramminu og það er ein æfingin þar sem er kreisý og ef hún tekur ekki á, þá veit ég ekki hvað!! Þarf að standa á öðrum fæti á dýnu og halla mér fram með hendurnar út og hinn fótinn út, svona eins og ég væri eins og flugvél, shitt hvað þetta er erfitt og það rennur af mér svitinn, þarf að halda þessari stellingu í 30 sekúndur og maður titrar og skelfur eins og hrísla. Markmiðið er náttúrulega að halda stöðugleika og svo fer maður á næsta þrep þegar maður nær því.

Jæja best að fara að gera eitthvað af viti.

Knús í krús, Moi sjálf

Smá myndir frá fjörinu í gær:-) Fleiri á facebook-inu;)