Moi sjálf ~ Kemst þótt hægt fari;o)

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

þriðjudagur, apríl 07, 2009

Niðurstöður...

Jæja, þá eru niðurstöður komnar í hús úr þessari sneiðmyndatöku sem ég fór í um daginn. Það kom barasta ekkert nema fínt úr henni. Ég var bæði ánægð og óánægð með það. Auðvitað ánægð að sýndi ekkert en þá vantaði eitthvað til að sýna af hverju ég haltraði svona og með endalausa verki. Doksi var líka hissa út af því að hann brak og eitthvað við skoðunina og heldur ekki af hverju að ég væri haltrandi og með verki. Þannig að það varð úr því að hann vill að ég fari í eitthvað sem heitir liðspeglun og þá er farið með einhverja græju eða eitthvað inn í sjálfan liðinn eða eitthvað svoleiðis. Þetta er víst bara gert í Orkuhúsinu og ætlaði doksinn að senda öðrum doksa myndirnar og nótu um mig og svoleiðis. Er svo heppin að það er ein hjúkka í vinnunni sem hefur góð sambönd í Orkuhúsinu og er búin að vera stússast í þessu fyrir mig. Það er víst allt fullt í apríl en sjáum hvað setur.

Að öðru, er bara á fullu í sjúkraþjálfun og geri mitt æfingaprógramm sem tekur um það bil einn og hálfan tíma með brennslu og svoleiðis. Allskonar teygjuæfingar og háls- og herðaæfingar og styrktaræfingar og brennsla auðvitað líka, tekur mjög vel á, ekki veitir af:-) Það gerðist mikill áfangi í gær. Í fyrsta sinn í 6 mánuði fékk ég að hlaupa!!! Í heila eina og hálfa mínútu takk fyrir undir stjórn sjúkraþjálfarans. Það gekk bara ágætlega en ég finn alveg fyrir óþægindum, sérstaklega einhvern tímann eftir á. Hún var reyndar skíthrædd um að láta mig á brettið af því að hún var nýbúin að taka vel á ökklanum í tímanum en lét eftir vælukjóanum... hehe... ;-) Svo mátti ég gera aftur í dag en bara ef ökklinn væri ok. Ég fór aftur í eina og hálfa mínútu í dag en finn talsvert mikið til en maður verður bara að þrjóskast aðeins til að komast af stað... það finnst mér allavega;-)

Það var astmaæfing í dag og var þá þolpróf og ekki fór ég í það:/ Ég kíkti og lét sjá mig en það voru nú samt blendnar tilfinningar, get ekki neitað því, fannst ég vera eitthvað út úr kú þarna:-( En það var fínt að hitta á þá sem maður þekkti. Ég fylgdist með henni Jórunni minni hörkunagla og rústaði hún þolprófinu sínu, veit það pottþétt og á eftir að standa sig svo ótrúlega vel á Hnúknum í vor:-)

Best að fara að gera eitthvað af viti. Morgun/næturvakt á morgun og næturvakt á fimmtudag og svo næst á mánudagsnótt. Búin að vera næturvaktahrina hjá mér undanfarið og þó er ég í 50 % næturvöktum. Það eru víst að koma páskar, er ekkert að gera mér grein fyrir þessum hátíðardögum, algjört vesen allir þessi frídagar sko. Reyndar ekkert frídagar venjulega fyrir vaktavinnufólk þar sem maður lendir oft í að vinna á hátíðsdögum og hana nú!! Bara að tuða smá :o)

Knús í krús og gleðilega páska folks:-) Moi sjálf