Ég um mig frá mér til mín... ...á "hlaupum"... ...hér og þar og allsstaðar:o)

Kannski fer ég bara yfir æfingarnar í fljótheitum í þetta sinnið. Er búin að vera algjör sökkari í þessari viku og ekki mætt á eina Laugaskokksæfingu!!! Úbbúbúbb. Það er búið að standa illa á með ýmislegt eins og vinna. En ég sendi herra foringja mitt reglulega laaaanga SMS að venju þegar ég kemst ekki á æfingu, mjög mikið til að friða samviskuna mína svo hann haldi ekki að ég sé að skrópa viljandi;o)

• Á mánudaginn fór ég á morgun/næturvakt þannig að ég fór um leið og ég kom heim og tók minn elskulega Brúnaveg og tók ein 4 stk. plús upphitun og niðurhlaup sem gerði að sirka 10.5 km á u.þ.b. 1.40 klst.
• Á miðvikudaginn var vorgleði hjá hjartó þannig að ég fór Fossvoginn um morguninn og RÉTTAN hring að þessu sinni. Það var talsverður challenge skal ég segja ykkur. Brekkan var alveg ógeðslega erfið, ég og brekkur... úbbósí! Skreiddist hana upp einhvern veginn. Allt í allt var þetta sirka rúmir 12 km, fór nefnilega að heiman og tók þá rúman hálftímahring. Var nefnilega ekki með grey Garminn minn, var hálfbatteríslaus auminginn. Þetta var sirka about 1.55 klst. sýndist mér þegar ég kom heim.
• Fimmtudagurinn var til skammar. Gerði ekki neitt, no nada! Lenti nefnilega í fjandans veseni með kálfana mína. Fékk svo hryllilegan sinadrátt og krampa að ég hélt ég myndi deyja gjörsamlega. Vaknaði um morguninn með þetta og hélt að þetta myndi aldrei stoppa. Hef farið x2 á slysó út af kálfunum þegar ég fékk krampa sem byrjuðu bara sem sinadráttur en versnaði enn meira og ég gat ekki stigið í fæturna en þeir fundu aldrei hvað var að þrátt fyrir ómanir og þræðingu og allt. Allavega, fann til alveg megamikið í kálfunum og átti mjög vont með að stíga í fæturna allan daginn án þess að finna ekki fyrir því þannig að ég ákvað á síðustu stundu að hætta við æfinguna, þorði ekki að fara með lappirnar svona og ákvað að hvíla. Sveiattan Sveinbjörg María! Fæ örugglega að heyra það frá herra foringja um skrópin haaa... ...eeen hef löglegar afsakanir og hef gert það sem ég á að gera. Veit að maí verður mjög strangur að hans sögn, þannig að það er eins gott að standa sig! Veit bara að ég er að reyna eins og ég get og get ekkert gert annað.
• Missti af Boggupuðinu í gær, alveg steingleymdi því, algjörlega mín sök:o( Var svo þreytt eftir vinnuna að ég lagðist upp í rúm og steinsofnaði í klukkutíma eða eitthvað. Þegar ég var búin að skamma sjálfa mig ákvað ég að dúllast bara hálftímahringinn og sjá hvernig kálfarnir brygðust við. Gekk bara fínt og voru bara alveg ágætir við eiganda sinn, sem betur fer. Var orðin dálítið hrædd. Er gjörn að fá sinadrátt öðru hvoru og þessi var virkilega slæmur:0(

Svo ákvað ég að taka langa æfingu í morgun svona til að sýna smá lit og bæta upp pínu fyrir næstu viku af því að ég kemst ekki á æfingu á mánudag. Er að fara á næturvakt á sunnudagsnóttina, reyndar aukavakt og kvöldvakt á mánudagskvöld þannig að þetta verður strangur sólarhringur. Hlakka til þegar hann verður búinn. Allavega, fór bara mjög rólega til að kálfarnir væru örugglega í lagi og það gekk bara fínt. Dúllaði mér 15 km hingað og þangað, aðallega þangað og svo aftur hingað:D Hehe.. ...ótrúlega sniðug, er það ekki?;o) Tók þetta á sirka 2.25 klst. Mjööög lélegt haaa....!! En kláraði þó allavega, er það ekki mesta málið? Fyrir mér allavega, þó svo ég sé alltaf laaaangsíðust! En eru þeir síðustu ekki alltaf fyrstir? Hehehe... ...alltaf langað að segja þetta;o)

Fór á vorgleði hjá hjartó á miðvikudaginn. Fór með Ellunni minni og hitti allt liðið. Þetta var ótrúlega gaman og að hitta hitt fólkið "mitt":) Voðalega eigna ég mér alla haaa... Takk fyrir kvöldið góða fólk:o) Það var alveg geðveikur matur að það hálfa væri nóg, hlaðborð með milljón tegundum af mat að það var mjög erfitt að ákveða hvað maður ætti að fá sér þannig að það var bara sitt lítið af öllu, jammí;-) Einn hjartalæknirinn sem var í skemmtinefnd, kynnti kokkinn og sagði að hann héti Gísli og hrósaði honum mikið (að sjálfsögðu;) en það kom víst í ljós að hann héti Lárus og allur salurinn sprakk. Guð, hvað ég þoli ekki að standa fyrir framan fullt af fólki. Líður hundilla, úff. Reyndar enda flestar kynningar sem ég hef haldið með því að ég verð svo stressuð að það endar í hláturskasti og fæ alla á mitt band sem skellihlæja að.... hmmm... engu held ég, bara mér aðallega;þ Eða bara svona hrikalega meðvirkir í stressinu.. hehe.. ;o)

Svo er að styttast ískyggilega mikið í efnafræðiprófið, verður þriðjudaginn í næstu viku eða 6. maí. Úff, ég er orðin ógeðslega, ógeðslega mikið stressuð að það hálfa væri milljón sinnum meira en nóg. Er svo hrikalega prófkvíðin að ég gæti bara grátið, ég verð svo slæm. Hún Helga Eyja mín er búin að vera að hjálpa mér undanfarið og erum búnar að vera á fullu í þessu. Er farin að skilja aðeins pínu betur eins og með þessar efnajöfnur. En ji hvað þetta er leiðinlegt (þangað til ég fer að skilja þetta allt saman) Svo ætla ég að hitta hana allavega 2 sinnum áður en ég fer í prófið. Er svo hryllilega hrædd um að falla en ég vona svo innilega að ég nái. Er bara skíthrædd við próf almennt. Oh hvað ég hvað ég hata próf en samt fundist rosa gaman í skóla haaaa... Það verður vísta að anda inn og anda út... ...úffpúff.. En það versta er að prófið byrjar ekki fyrr en klukkan fjögur um daginn og það er MJÖG slæmt fyrir próffóbíumanneskju:o/ Æi, vona bara það besta:(

Jæja, best að hætta þessu blaðri og fara að gera eitthvað af viti eins og til dæmis að læra! Eins og ég segi, fer ég ekki á Laugaskokksæfingu fyrr en á miðvikudaginn. Reyni að fara í ræktina á þriðjudag ef ég verð ekki föst að læra áður en ég fer að vinna seinnipartinn. Ég bara VERÐ að ná þessu prófi annars verð ég alveg ógeðslega fúl út í sjálfa mig að ég veit ekki hvað ég mun gera, argiarg! Km í vikunni gætu þá orðið talsvert færri í næstu viku út af næturvaktinni á sunnudaginn og kvöldvaktinni á mánudaginn og svo er næsta helgi næturvaktahelgi. Náði allavega um 43 km í þessari viku sem er allt í lagi svoleiðis, auðvitað betra að fitubollan fari lengra sko;o) En semsagt þessi næsta vika verður frekar strembin og mun einkennast af stressi og látum. Þá skulum við bara hugsa vel til þarnæstu viku sem ætti að verða skárri vonandi;o) Jesús minn, blaðrið og vælið í mér maður! Sooorry pípól:o)

C you when I see (C) you (Rachael Ray;o)

Knúsedíknús, Moi sjálf

Sjáið bara lífsgleðina í stelpunni, það er allt hægt ef viljinn er fyrir hendi (þó maður sé feitur:þ)

Je maður minn, geðveik gella eftir tæpa 6.0 km haaa...

P.s.s. Gangi ykkur æðislega vel á mánudaginn elsku Laugaskokkarar sem eruð að fara í Bostonmarþon. Það verður hugsað mikið til ykkar og sent fullt af orkustraumum. KNÚS**

• Miðvikudagur 2. apríl = Fossvogur, 10 km á sirka 1.35 klst.
• Fimmtudagur 3. apríl = Elliðarárdalur, 14 km á sirka 2.10 klst.
• Föstudagur 4. apríl = Laugardalur, 3 km á sirka 30 mín.
• Mánudagur 7. apríl = Brúnavegur og Laugardalur, 8.3 km á sirka 1.20 klst.
• Miðvikudagur 9. apríl = Fossvogur, 10 km á sirka 1.30 klst.
• Fimmtudagur 10. apríl = Elliðarárdalur, 12 km á sirka 1.45 klst.

Þetta er svolítið nördalega sett upp en maður er svona pínu latur í þetta skiptið, er sko að fara að vinna á eftir.. ZZzz.. Æfingarnar hafa bara gengið fínt fyrir sig svosum fyrir utan *hóst* ömurlega hallærislega tíma *hóst* Æfingin á mánudaginn var reyndar alveg hryllileg og ógeðslega erfið að það hálfa væri nóg og það er bara undirritaðri algjörlega að kenna. Það voru semsagt Brúnavegshringir, tók bara 3, ætlaði að taka 4 sko. Fór nefnilega beint á æfingu eftir næturvakt og svaf næstum yfir mig þannig að ég hljóp út án þess að borða og var ekkert búin að borða síðan um nóttina. Fyrsti hringurinn gekk bara lala og eftir það fór mér bara að líða illa. Fékk hryllilega hungurverki og fór að svima þvílíkt og fékk geðveika ógleði að ég hélt að ég myndi barasta gubba. Held ég hafi barasta fallið í sykri við þetta allt saman, hef lent í svona sirka tvisvar, þrisvar áður. Liggur við að ég fari að fá mér þrúgusykur til að hafa á mér á æfingum, eitthvað þarf ég að gera, það þarf ekki mikið til hjá mér. Reyndi að hanga eins lengi á æfingunni og ég gat og klárað hana. Þetta gerði að einhverjum aumum 8.3 km, frétti að hinir hefðu farið sirka 9.5 km þannig að það var svo sem ekki ógeðslega langt á eftir. Æi, þarf að passa að klúðra þessu ekki svona illilega aftur. Hélt að ég myndi bara deyja á æfingunni, pass po fitubollan þín!:)

Svo er það annað "keppnis"hlaup á laugardaginn og þá er það "köku"hlaupið sem margir ættu að kannast við eða a.k.a. Flóahlaupið. Þetta verður þá í annað skiptið sem ég tek þátt í því og það verður spennandi að sjá hvernig það mun fara allt saman. Vona að ég sökki ekki ógeðslega feitt og verði á svipuðum tíma og í fyrra eða helst betri (að sjálfsögðu;o) Eftir hlaupið ætla ég að skella mér í sveitina og nota helgarfríið góða í leti;O) Ætli ég reyni nú ekki að skokka pínu. Þessi vika gæti orðið afskaplega góð eða farið yfir 40 km ef allt gengur eftir, ó mæ lord bara. Svo verður maður að reyna að halda þessu við, þó svo það gæti verið alltaf plús eða mínus við þessa tölu, kannski aðallega mínus í bili haaa...

Keypti mér loksins nýja hlaupaskó og blæddi litlum 16.000 kalli fyrir þeim. Áttu reyndar að kosta tæp 20.000 en svona þegar maður er í svona æðislegum skokkhóp eins og Laugaskokkinu "mínu", getur maður stundum grætt og fengið afslátt, t.d. í Afreksvörum;o) Er búin að prófa Asics, núna síðast Mizuno sem eru alveg að deyja frá mér, búin að nota þá svo mikið greyin. Fríða Rún ráðlagði mér að fá mér New Balance núna og það verður spennandi að sjá hvað kemur úr því. Daníel í Afreksvörum (rosa flott búðin, komin á nýjan stað og stærri:) mældi fæturna hátt og lágt og fann hvað ég þyrfti og auðvitað innanfótarstyrkta. Ætla að prófa þá aðeins um helgina og sjá hvernig gengur á þeim, hope for the best. Þeir virkuðu allavega fínir og ógeðslega flottir, tími varla að nota þá.. hehe...

Svo er það bara vinna í nótt og helgarfrí, jibbí. Er búin að vinna í heila viku samfellt með einum svefndegi. Svo fer ég beint af næturvaktinni út á heilsugæslu í blóðprufu í tékk. Það er bara það versta að vera fastandi frá miðnætti (þó svo ég hafi bara gott af því:) og það í vinnunni þar sem er frekar heitt á deildinni og á eftir að vera örugglega DÁLÍTIÐ þyrst, úff, þetta verður challenge. Það verður gott þegar þetta verður búið og ég vona að komi gott úr þessu öllu saman og svo fer ég til heimilislæknisins í næstu viku að fá úr prufunum og sjá hvað hann ætlar að gera í þessu hjartaveseni ef það er eitthvað vesen á því og þetta blessaða bjúgvesen.

Jæja, held að ég sé komin með allt update að þessu sinni. Pósta örugglega ekki fyrr en eftir helgi, þegar ég kem heim úr sveitinni, jafnvel á miðvikudag.

Hafið það ógó gott um helgina fólkið mitt, megið vera pínuponsu dugleg að kvitta, er svo frek að það hálfa væri nóg, hehe.... :þ

KNÚSEDÍKNÚS, Moi sjálf