Create your own banner at mybannermaker.com!
MySpace Backgrounds <$BlogRSDUrl$>

ÉG HEITI/MY NAME IS/ICH HEIßE/ME ILLAMO MARÍA, SVEINBJÖRG MARÍA $;O)

mánudagur, júní 30, 2008

Afmæli! 



Jahérna hér. Maður er bara orðinn ári eldri í dag! 24 years old takk fyrir kærlega. Skil ekki hvernig þetta er allt svo fljótt að líða en það er víst bara svoleiðis:)

Eyði deginum í vinnunni, fyrsti vinnudagurinn eftir sumarfrí og svo hlaupaæfing eftir það, heví stuð eða þannig, plís hvað ég vona að sleppa við sprettæfingu, held samt ekki, óskhyggja. Eigið góðan dag fólkið mitt. Ætla að reyna að fara að lúlla núna svo ég komist á fætur í fyrramálið:o)

Knúsedíknús, Moi sjálf
*Hóst,hóst* Veit nú ekki með sannleiksgildið fyrir mig í þessari mynd *hóst*;O)
Posted by: Sveinbjörg M. / 00:04 (7) comments

föstudagur, júní 27, 2008

Föstudagur 

Letibloggarinn loksins mættur eða eru þetta bara stjörnustælar? DJÓK!:o) Bara leti;-) Og já, takk fyrir kveðjurnar allir út af viðtalinu, frekar glöð með þetta allt saman og er bara mikið upp með mér að fólk nenni að fylgjast með manni, veitir manni aukahvatningu, bara stórt takk:o)

Búin að vera annars alveg ágætisvika bara. Leti, sólbað, hlaup og aftur hlaup og ennþá meiri hlaup og 3ja tíma puð í ræktinni. Hlaupin eru komin í 45 km og á 5 km eftir í 50 km vikutakmarkið:)

Það var náttúrulega Miðnæturhlaupið á mánudaginn og fuku 10 km þar. Vildi óska þess að ég hefði bætt mig þar, er mjög vonsvikin með tímann, það verður að hafa það í þetta skiptið. Er fegin að hafa klárað en það sko pottþétt stelpunum að þakka. Á þriðjudaginn skellti ég mér í Heiðmörkina í bilað góðu veðri og tók þar sirka 11 km, algjört æði að vera þarna í náttúrunni (sorrý væmni dauðans) Gleymdi Garmgreyinu heima og var ég mjög nakin eitthvað að hafa ekki blessað úrgreyið á mér. Þetta var á sirka 1.30 klst.

Svo á miðvikudaginn ætlaði ég að hitta á Sölva Fannar sem ætlaði að taka feitabolluna í fitumælingar (mjög viðeigandi haa.. :) Kom upp einhver misskilningur þannig að við náðum ekki að hitta á hvort annað, hann sá mig ekki og ég sá hann ekki, sem endaði með að ég var í ræktinni í 3 klst. samfleytt plús að ég fór á fastandi maga sem var ekki þægilegt. Byrjaði að æfa 20 mín. yfir tíu og var komin út rúmlega hálftvö! Hitti aðeins á Sölva loksins þegar ég var að fara og ætlum að reyna að finna nýjan tíma í þessar blessuðu mælingar. Tók um 12 km á bretti, man ekki alveg tímann, sirka 2 klst., dísús hvað mér finnst allt í einu leiðinlegt að hanga á bretti. Svo tók ég 3 km á skíðadótinu/crosstrainernum á um 35 mínútum. Var alveg lurkum lamin eftir ræktina, ætlaði nefnilega að fara á æfingu seinnipartinn að sjálfsögðu en ég hafði enga orku í það, var orðin sérstaklega þreytt í leggjunum.

Í gær tók ég 12 km fyrripartinn þannig að ég skrópaði á hlaupaæfingu, skamm!! Systir mín kom með krílin í heimsókn og voru að leika úti í leiktækjunum fyrir neðan húsið hjá mér og svo heyrðum við þegar landsleikurinn hjá stelpunum "okkar" var að byrja og þegar við heyrðum lætin eftir fyrsta og annað markið, röltum við niður á völl og fórum á leikinn. Alveg æðislegar fótboltastelpurnar okkar. Því miður er ég búin að missa alla trú á karlalandsliðið, allavega í bili. Finnst að þeir ættu að taka þær sér til fyrirmyndar, ég þarf að gera það. Ákvað samt í leikhléinu að kíkja niður í Laugar til að hitta herra foringja til að sýna að ég væri á lífi og hvernig gengi. Hann var sko ekki parsáttur við mig út af Miðnæturhlaupinu, er alveg sammála. Skammast mín hrikalega og má barasta ekki kenna bara leggjunum um þetta þó ég vilji meina að þeir eigin smá sök á drollinu í mér. Það var samt ágætt að hitta á foringjann. Samt okkar á milli finnst mér hann einhvern veginn ekki vilja sérstaklega að ég taki þátt í því sem kom fram í "fræga" blaðaviðtali um daginn. Hann hélt að ég yrði fyrir vonbrigðum og eitthvað svoleiðis og spurði hvort væri virkilega tilbúin í þetta allt. Ég taldi og tel mig alveg geta þetta og ef eitthvað gerist mun ég aldrei hætt fyrir mitt litla líf, frekar skríð ég alla leiðina sko, fannst þetta vera dálítið misvísandi skilaboð frá honum því hann er búinn að sparka svo mikið í rassinn á mér á þessu ári og ég mátti ekki hugsa um minna en það sem ég er að hugsa um að fara í ár. Allavega búin að komast yfir 50 km í nokkur skipti núna eins og hann sagði mér að gera, vona að það haldi áfram þótt ég sé að fara að vinna:) Hann vildi helst að ég væri léttari (I know, ég líka), er að reyna mitt allra besta þótt það sjáist ekki, hann sagðist liggur við að ég myndi næstum svelta í 2 vikur en hann sagði svona (I will try:) En það væri algjört æði ef ég fyndi einhvern sem nennir að hjóla og hanga með mér og passa upp á gel og svoleiðis dót. Kannski bara draumórar í sumum núna en ef einhver veit um einhvern yrði það draumur í dós. En veit um engan í augnablikinu... hmm... :o/ Æi, varð að væla og kvarta aðeins, *pústpúst*, er það' eggi í lagi haaa..? :o)

Ji, hvað er búið að vera æðislegt veður að það hálfa væri nóg, Ætla að kíkja í sveitina á eftir. Oh, er að byrja að vinna á mánudaginn, arg. Svo eru allir að byrja í fríi þegar ég byrja að vinna, finnst það rosalega svekkjandi.

Svo er "merkisdagur" eða þannig á mánudaginn, sumir eiga afmæli þá:) Yndislegt að kúldrast í vinnunni til hálffjögur og svo hlaupaæfing hálfsex. Hann mun bara renna framhjá manni án þess að fatta það, það verður bara að hafa það (smá Pollýanna reddar manni stundum:o)

Góða helgi my sweethearts, bara risaknús á alla:) Innilega til hamingju með afmælið Guðrún Lauga mín:)

RISA, RISA KNÚS, Moi sjálf:)
Posted by: Sveinbjörg M. / 09:48 (0) comments

þriðjudagur, júní 24, 2008

Miðnæturhlaupið 2008 

Hélt virkilega að ég myndi deyja, næstum í alvörunni sko. Þurfti að hafa mjööög mikið fyrir þessu í dag og því miður bætti ég tímann ekki að þessu sinni og er það alveg satt (miðað við vonbrigðin frægu í fyrra sem reyndist vera bæting... hehe.. dramkvín dauðans;o), eeeen KLÁRAÐI, meikaði þetta varla. Ætlaði sjálfri mér að gera einhverjar rósir. Gæti hafa farið fyrri hringinn of hratt, finnst það mjög líklegt. Var að deyja í fótunum, en einhvern veginn held ég að nuddið sé byrjað að borga sig því ég var ekki stíf eins og spýtukarl frá hnjám og niður eins og venjulega en fann samt VEL fyrir ákveðnum punktum neðarlega á hliðinni við beinhimnuna og þar. Það var alveg eins og það væri að brennast upp svæðið, hrikalega sárt. Komst ekki í gang fyrr en eftir 6 km og þegar ég fæ loksins fæturna í gang fæ ég þessa ógeðslegu gubbtilfinningu að það hálfa væri nóg sko, æðislegt, "Pollýanna, Pollýanna, komdu til mín... lalala...." Hafði hlaupafélaga með mér allan tímann í fyrsta sinn. Fannst það alveg æðislegt, hana Jórunni í astmahópnum. Æðislegt að hafa hana með sér á hlaupum. Ætlaði virkilega að spara mig fyrir lokasprettinn þegar ég sé fjórar yndislegar görlís úr Laugaskokkinu mínu. Þær tóku sér til og skokkuðu með mér í markið og bönnuðu mér að labba og ýttu mér áfram. Ég var alveg að fara að æla, munaði alveg geðveikt litlu. Tíminn var ekkert sérstakur eða 1.30.59. Hélt reyndar að ég hefði verið nokkrum sekúndum betri því klukkan var nýskriðin yfir 1.30 klst. þegar ég var 2 sekúndum eða eitthvað. En það skiptir ekki máli. Skipti máli að ég kláraði, hefði bara látið mig hafa það og gubba og skríða allan tímann frekar en að hætta! Hefði skammast mín út í eitt að fara að hætta en það slapp í þetta skiptið:o) Elsku dúllukrúttLaugaskokksstelpurnar mínar, takk ÆÐISLEGA fyrir hjálpina og peppið. Þið vitið ekki hvað þetta gerði fyrir mig, KNÚS!! Fór svo í sjóðandi bað áðan og búin að kæla fæturna og taka íbúfen, sjáum til hvernig það kemur út.

Helgin var annars fín. Skrapp í sveitina en ég fór reyndar ekki út á Klaustur eins og ég ætlaði mér. Þarf að drífa mig í staðinn í júlí. Tók bara léttar æfingar. Fríða Rún vildi að ég færi meira á gras út af löppunum sem og ég gerði. Fann einhver gamlan hestastíg með bland af grasi og smá sand, mjög gott að breyta til. Svo skokkaði ég út á íþróttavöll og þar. Á túninu við hliðina á var búið að gera nokkra fótboltavelli og slá grasið rosa fínt og ég ákvað að fara nokkra hringi í kringum alla vellina, gerði að sirka 400 metra löngum. Tók einhverja rúma 3 km og mjög þægilegt að hlaupa á þessu. Nú er ég komin með nýja hugmynd að stað til að æfa þegar ég er á Hvolsvellinum:) Tók sirka 6.1 km í fyrra skiptið og 6.0 km í seinna skiptið og vikan komst í eitthvað um 50 km. Vona að þessi vika nái líka eitthvað álíka því ég þarf að byrja að vinna eftir sumarfríið, arg:o/ Hehe.. vælivæl;-)

Fór í sjúkranudd á föstudaginn. Mæli algjörlega með þessari nuddkonu (Valdís), er bara algjört æði. Það endaði með að ég fór í heilnudd, held að það hafi ekki veitt af því. Búin að vera slæm í öxlunum og bakinu út af vinnunni, búin að vera lyfta sjúklingum og vesen og auðvitað passar Sveinbjörg ekki upp á líkamsbeitinguna sína, úps! Svo fór hún vel í beinhimnuna og kálfana. Varaði mig við að hún þyrfti að taka vel á fótunum til að meta þá, mætti öskra eða hvað sem er. Þetta var vægast sagt ÓGEÐSLEGA VONT, þorði ekki að öskra en ég hélt andanum þvílíkt í mér. Enda sagði hún að hún fyndi vel fyrir bólgum þarna. Fann líka vel fyrir á öxlunum og bakinu. Búin að vera að hunsa þetta voða mikið, hef aldrei farið í svona nudd áður. Valdís ætlar að tuska suma til fyrir maraþonið enda veitir ekki af sko. Hitti hana næst 4. júlí. Þvílíkt næs, næturvakt nóttina áður og svo vakna og beint í nudd, gæti það verið betra haaa... :)

Maður var bara pínu famous á laugardaginn haaa... :) Stelpan hringdi í hádeginu á föstudaginn, ekki tók þetta langan tíma. Nú þarf maður að standa við stóru orðin:) Heyrði í einum í hlaupinu í gær sem skáeygði aðeins á mig og spurði einhvern félaga sinn hvort þetta væri ekki þessi Sveinbjörg Dagbjartsdóttir. Fannst þetta dálítið fyndið:)
Hér er smá linkur á þessi herlegheit (á bls. 2:o): http://www.mbl.is/bladidnet/2008-06/2008-06-21.pdf

Ætla reyna að fara í Heiðmörkina í dag/morgun. Hvað segir maður svona á miðri nóttu.. hehe.. Annars kíki ég pínu í ræktina. Hef ekki hugmynd hvað ég á að gera, en það verður eitthvað sniðugt.

Jæja, best að hætta þessu blaðri, er talsvert mikið þreytt núna... ZZzzz...

Knús á ykkur, Moi sjálf

P.s. Mér er eiginlega orðið mikið alvara með að fá einhvern til að hjóla með mér í maraþoninu. Launin eru þau sömu, þvílíkt knús og þakklæti að það hálfa væri nóg, kannski ein rós jafnvel:) Ef einhver ætlar ekki að hlaupa eða eitthvað slíkt eða langar að hjóla með feitabollunni og halda henni á mottunni, yrði það algjört æði:) Bara hugmynd.
Posted by: Sveinbjörg M. / 01:42 (5) comments

fimmtudagur, júní 19, 2008

"Mamma, er hún ekki feit!?" 

Smá tilkynning: Sumir verða í viðtali á 24 Stundum á morgun, laugardag 21. júní. Dúddamía maður.
Fylgist endilega með. Ó mæ lord.. hehe.. ;o)
Þetta fékk ég að heyra þegar ég mætti sirka 6 ára krakka á labbi með mömmu sinni í gær þegar ég var að hlaupa hjá Glæsibæ. Voðalega eru börn hreinskilin haaa... Ég hugsaði, jibbí og æðislegt og glotti innra með mér; gott að sannleikurinn kom loksins í ljós. Fannst dálítið fyndið að mamman sagði ekki múkk, var ekkert að segja að það væri ljótt að segja svona eða neitt. Allavega, tók 13.5 km á æfingunni í gær og það var að sjálfsögðu Fossvogurinn á miðvikudegi. Ekkert svaðalegur tími, sirka 2.10 klst. Var svo asskoti mikill mótvindur frá og með Nauthólsvík að það hálfa hefði verið klikkað meira en nóg en maður kláraði á endanum. Æfingin byrjaði nú heldur ekki vel þar sem ég var að deyja í elsku, yndislegu leggjunum mínum og kálfunum. Fyrstu 3 km voru algjört hell skal ég segja ykkur. Vældi aðeins í Fríðu Rún astmaþjálfara og hún skipaði mér í nudd þannig að ég er að fara til sjúkranuddara á morgun. Maður verður að hlýða yfirboðurum sínum, er það ekki?;)

Já, og gleðilegan þjóðhátíðardag þarna um daginn. Það var ansi góður dagur þótt ég segi sjálf frá. Hef bara aldrei verið neitt svakalega spennt á 17. júní, ekkert fundist það neinn sérstakur dagur en maður var bara í nokkuð góðu stuði. Var úti síðan fjögur um daginn í alveg snarbilað góðu veðri, enda sást það á bringunni á mér og handleggjunum, VEL brunnin að það hálfa væri hrikalega nóg og þurfti ekki mikið til, búin að vera á röltinu og settist niður í max korter, eða tuttugu mín. Þarf ekki meira en það. Svíður talsvert mikið í þessu og það er líka slatti mikill hiti í þessu. Eeeen gott að vera að vinna á brunadeild haaaa... ne, ætla nú ekki að gera svo mikið mál úr þessu. Er orðin svo vön þessu þó þetta sé nú ekki mjög sniðugt til lengdar. En hvernig verð ég í sólarlöndum ef ég verð svona á ÍSlandi?? Hehe... :-) Fór með 2 vinkonum mínum niður í bæ og röltum um og settumst aðeins í grasinu á Arnarhól, löbbuðum upp og niður Laugaveginn svona milljón sinnum. Dúlluðumst bara hingað og þangað. Fórum svo á tónleika á Ingólfstorgi, það var bara fínt. Bara ansi góður dagur.

Það er búið að vera svo brjálað að gera að ég hef ekki nennt að blogga og það kallast á góðri íslensku LETI! Síðasta vika var sú besta sem ég hef átt í hlaupum og stússi. Fór í 52.93 km eða eitthvað svoleiðis plús 12.7 km í labbitúrum eða sirka about það þannig að ég er bara nokkuð kát. Kemst þótt hægt fari og hana nú!:) Þessi vika stefnir í ágæta viku.

Fórum með mömmu að borða á Grand hótel á föstudagskvöldið og það var rosalega gaman og yndislega kósý. Loksins systkinin og múttan saman á einum stað. Alltaf allir uppteknir, nóg að gera. Pápi gamli hefur ábyggilega fylgst með fólkinu sínu á himnum, alveg pottþétt:) Æðislegur matur og frábær tónlist, algjör snilld barasta:-) Á laugardaginn var haldið á Skógar og hitt á ættingjana úr föðurættinni og það var mjög ljúft að hitta alla þó maður hafi svo sem farið milljón, trilljón sinnum út á Skógar. Maður mundi ekki alveg öll nöfnin enda slatti margir í ættinni en það kom á endanum:) Bara góður dagur í frábæru veðri. Fór með Helgu sys og familý austur og þegar við fórum heim, stoppuðum við á Selfossi hjá Gullu sys og hennar familý og enduðum í grilli og ísköldum bjór, namminamm. Grey Helga sys keyrði allan tímann og þegar við vorum á leiðinni tilbaka á Selfoss, vorum við öll svo þreytt að sofnuðum öll í einhverja stund á sama tíma. Hún viðurkenndi að hafa verið pínu þreytt sjálf en hún er úr þessari hörku familýju að hún reddaði þessu auðveldlega:)

Jamm, æfingar í þessari viku, mjög gróflega yfirfarið. Fór ekki á Laugaskokksæfingu á mánudaginn, treysti mér ekki í spretti, aumingi!! Var að byrja með einhverja kvefdrullu, þannig að ég drattaðist rólega 10 km ein fyrr um daginn, var bara OK. Dúllaðist á sirka 1.30 klst. Tók aftur um 10 km á þriðjudaginn á svipuðum tíma. Svo var það náttúrulega feitabollan í Fossvoginum í gær og í dag ætlaði ég á Laugaskokksæfingu en hætti við hana og ákvað að prófa að fara út í Heiðmörkina og dúlla mér og dró með mér vinkonu með. Sendi auðvitað herra foringja status report um síðustu viku því ég hitti hann náttúrulega ekki í dag. Er orðin svo slæm í leggjunum og kálfunum þannig að Fríða Rún vildi að ég færi að skokka meira á grasi og svo möl. Allavega ekki malbiki og ekki skemmir öll þessi fegurð í Heiðmörkinni fyrir. Tók nú reyndar bara 5.6 km on 60 minuets en vikan er komin í sirka 39 km og á eftir að taka eitthvað meira í viðbót þannig að þetta er allt í lagi. Fórum svo í Suðurbæjarlaugina í Hafnarfirði og það var mjög ljúft. Varð reyndar hrædd smástund þegar ég hélt að það liði yfir mig í heita pottinum. Ætlaði að snúa mér aðeins til að sóla bakið aðeins en þá fór ég að sjá bara hvítt og leið asnalega en þurfti aðeins að drjúpa höfðinu og jafna mig. Þetta var hræðilega óþægilegt. Er skíthrædd um að blóðþrýstingurinn sé að stríða mér plús að ég hafði ekkert borðað og varla drukkið neitt síðan hálfeitt (klukkan var korter yfir sjö) Verð að passa mig á þessu.

Gleymi ábyggilega einhverju. Býst við að ég kíki í sveitina um helgina og kannski enn austar í gömlu sveitina og kíkja á fólkið sitt og kannski dytta að pabbasteini og mála í stafina á honum og svona ýmislegt en það kemur í ljós hvort það verður eða ekki en samt möguleiki. We´ll see:) Svo er það sjúkranudd á morgun, vona að hún geti gert gott fyrir elsku fæturna mína og þetta sé ekki einhver þvílík móðursýki í mér, er orðin ansi góð í því:o) Jæja, best að fara að henda sér í bólið, smá svefngalsi í boði mín sjálfrar... ZZzzz..

Góða helgi elskurnar mínar and I see ya when I see ya:)

Knús í krús í mús í knús, Moi sjálf

SMÁ bruni á næpuhúðinni á sumum...

Þetta er eftir hlaupaæfinguna í gær...
Stórfamilían, vantar bara pápa sem er nú samt á staðnum:)

Namminamm...

Mí and mútta...

Posted by: Sveinbjörg M. / 22:50 (5) comments

fimmtudagur, júní 12, 2008

Jæja, þetta hafðist:o) 

Þetta tókst, jibbí:o) Blessaða Álafosshlaupið. Var alveg á mörkunum að ætla en mig langaði bara svo mikið að prófa. Er svo þrjósk að ég læt ekki neitt aftra mér, er það nokkuð, hehe.. ;o)

Gekk bara þokkalega í heildina þrátt fyrir hunderfiðar aðstæður. Sólin var að hverfa þegar hlaupið byrjaði og það var talsvert mikið hvasst og það var allt upp í móti fyrstu 5 km, hryllilega erfitt, var semsagt 9 km. Það stungu mig allir af strax en það voru reyndar feðgar að hlaupa saman rétt fyrir framan mig og ég elti þá aðeins. Síðan stungu þeir mig af og brekkurnar buguðu mig nánast. Beinhimnubólgan var að drepa mig fyrstu 2 eða 3 km (virðist gera það alltaf þessa dagana) og þurfti að labba mikið. Var reyndar rosa heppin að einn yndislegur Laugaskokkari (að sjálfsögðu:), Siggi hennar Ingu, var að hjóla hingað og þangað að kíkja yfir keppendur og einna helst þá sem voru í seinni kantinum. Hann gjörsamlega bjargaði geðheilsunni minni þegar ég þurfti á því að halda. Hann hvatti mig upp eina erfiðustu brekkuna og ég náði að hlaupa hana nánast alla leið upp en sprakk þvílíkt á limminu við það en labbaði mig þá strax niður og pústaði mig vel og skokkaði síðan aftur þegar ég var búin að jafna mig þokkalega. Síðan hljóp ég þessa feðga uppi, sem mér fannst nú frekar ótrúlegt. Pabbinn ákvað svo að hlaupa áfram og hvarf áfram. Stráksi var greinilega farinn að þreytast og var eiginlega farinn að haltra. Náði honum og fór fram úr og sá ekkert til hans meir, var eins og elding, vúúúúmm (NOT!;o) Svo fengum við mjööög góóóðar brekkur niður á við, það var mjög ljúft og ég ákvað að nýta sprettæfingarnar að undanförnu og prófa mig áfram í þeim þarna... ...hehe... ...grípa gæsina þegar hún gefst:) Var mjög fegin að komast í mark. Ekkert sérstakur tími eða 1.19 klst. eða eitthvað svoleiðis. En þetta var virkilega töff og það voru allir að segja það, var hrikalegur kaldur vindur. Reyndar fékk smá sól þegar ég var að klára. Þetta fer bara beint í reynslubankann og ég ætla pottþétt aftur í þetta hlaup á næsta ári:) Náði meira að segja að rata alla leiðina, er svo yndisleg að villast eins og ég veit ekki hvað, var búin að spyrja eina sem er í Laugaskokk, a.k.a. Agga, reddarinn mikli, og býr í Mosó og reyndi að segja mér aðeins til og ég bað hana að ef ég væri ekki komin eftir sirka 2-3 tíma ætti að senda leitarflokk eftir mér... ...en þess þurfti ekki núna... hehe, það slapp:) Svo fræddi Inga mig aðeins líka þannig að ég var í ansi góðum málum og ég var mjög ánægð með merkingarnar:-) Er bara nokkuð sátt við þetta miðað við að þetta sé ég;o)

Dísús, gleymdi náttúrulega í síðustu færslu að tala um mánudagshlaupaæfinguna. Eitthvað eru sumir kexrúgglaðir þessa dagana... haaa... Allavega, það voru sprettir að sjálfsögðu, jibbí segir antísprett-brekkistinn sjálfur. Neinei, þetta var alveg í lagi, ji og veðrið sem við fengum, það var geðveikt gott, dúddamía og þvílík sól að það hálfa væri nóg. Það voru teknir sprettir í Túnunum þar sem undirrituð ratar heldur ekkert. Ég bara rata ekkert í RVK nema smá radíus í kringum húsið mitt liggur við. Þetta gekk bara vel. Fórum í svona sprettleik. Áttum að spretta í eina mínútu og svo þegar hún var búin kallaði einhver: "búið!" og þá löbbuðu allir tilbaka til seinasta manns eða mín:) Svo var byrjað aftur og gert í tvær mínútur, svo þrjár, fjórar og held ég fimm líka. Þetta var bara sniðugt. Fyrst fannst mér frekar leiðinlegt að trufla fyrir hinum en svo var þetta mjög fínt þegar ég varð sannfærð um að þetta ætti að vera svona:-) Þetta var allt í allt bara 6.65 km á 59:31 mín. En drulluerfitt maður minn, en rosa gaman (Pollýanna, Pollýanna...)

Svo var það Fossvogurinn í gær þar sem voru tækluð 13.5 km. Geðveikt gott veður og mikil sól. Ekkert spes tími 2.06 klst. en þó skárri en hefur verið. Beinhimnubólgan er eitthvað að stríða mér. Alltaf sirka fyrstu 2 eða 3 km stífna ég þvílíkt upp í elsku aumingja leggjunum mínum en síðan verð ég skárri. Var í Glitnis bol að hlaupa og þegar ég kom heim var ég smá brunnin á bringunni, rosa skrýtið. Það eru svosem loftgöt á bolnum en vá, fyrr má nú fyrr vera;o) Svo brann ég aðeins á handleggjunum. Það þarf reyndar ekki mikið til að ég brenni, þarf að passa mig dálítið í sumar. Held að ég hafi meitt mig aðeins á vinstri ökkla á þessari æfingu. Var aum í honum, held ég hafi misstigið mig eitthvað. Svo fann ég fyrir þessu í kvöld í Mosfellsbæ. Vona að þetta sé ekki alvarlegt.

Svo eru það göngutúrarnir á morgnana á fastandi maga, búin að vera talsvert dugleg held ég. Grand hótel á morgun með familíunni að halda upp á afmælið hjá mömmu og ættarmót á laugardaginn sem verður haldið að Skógum núna en ekki í sveitinni í Meðallandi eins og venjulega. Er að pæla að taka góða æfingu á sunnudaginn í Heiðmörkinni. Er að hugsa um að hvíla ökklann á morgun og sjá hvernig ég verð. Svo get ég ekkert gert náttúrulega á laugardaginn:)

Hafið bara alveg ótrúlega góða helgi fólkið mitt hvar sem þið eruð:o)

STÓÓÓÓRT KNÚÚÚÚS, Moi sjálf

P.s. Innilega til hamingju með yndislega prinsinn þinn Guðrún Lauga mín og gangi ykkur öllum rosalega vel, extra KNÚS:o)
Posted by: Sveinbjörg M. / 22:08 (3) comments

þriðjudagur, júní 10, 2008

Á ég.... 

....að taka þátt í Álafosshlaupinu eða ekki?
(Skrifað fimmtudag 11/6: Var að skrá mig rétt áðan í hlaupið, nú verður ekki aftur snúið... hehe.. ;o)

Er í krísu um hvort ég eigi að fara eða ekki. Auðvitað klára ég það sem mér er sett fyrir hendur, of course! Búin að spyrja nokkra vana hlaupara í besta skokkhóps landsins og í heiminum. Þeir sögðu að þetta væri talsvert mikið bratt í byrjun eða upp í móti fyrsta kaflann en færi svo frekar niður á við seinni partinn. Svo er einhver leið á malarveg og yfir einhverja læki eða eitthvað. Þetta eru víst 9.0 km. Á svona feitabolla að prófa? Það væri gott að heyra ef einhver hefur farið og kannski fengið smá pepp í leiðinni:-) Er þetta annars ekki vel merkt og allt það, því þarf ekki mikið til að ég villist hreinlega út í buskann;o)

Annars er bara allt ágætt að frétta. Næstu daga er astmaþjálfarinn búin að setja fyrir mig í plan að byrja að labba á morgnana í 30 mínútur áður en ég fæ mér morgunmat. Má fá mér 1 eða 2 glös af vatni áður. Ef ég fell eitthvað í sykri (sem ég er frekar gjörn á) á ég að taka með mér smá appelsínudjús í brúsa og súpa á. Svo fer ég bara á mínar venjulegu æfingar. Fór semsagt út í gærmorgun og tók 43 mínútur og sirka 3.7 km.

Fór svo aftur að labba í morgun í 30 mínútur og tók eitthvað um 2.7 km eða eitthvað svoleiðis. Svo fór ég í gamni upp í Heiðmörk með henni Helgu Ósk minni og var að draga hana áfram með mér. Þorði ekki að fara á hlaupaæfingu þarna með Laugaskokkinu mínu. Hef eiginlega aldrei farið þarna og ákvað að reyna að rata fyrst og prófa mig pínu áfram áður en ég færi með hópnum. Eins og fólk veit er ég talsvert mikið ratvillt manneskja að það hálfa væri nóg. Tók nú bara litla 1.78 km á 18 mín. og fór nokkuð hratt sko, aðeins að æfa sprettina;o) Bara smá svona til að átta mig á staðnum. Þetta gekk bara vel, en guð hvað er fallegt þarna að það hálfa væri nóg og engin bílaumferð og læti, alveg heavenly bara:) Ætlum að fara aftur á Sunnudaginn. Svo um kvöldið fór ég 10 km í dúlleríi. ekkert að flýta mér enda í sumarfríi. Tók það á sirka 1.30 klst.. Fór bara hingað og þangað.

Svo ætla ég að hitta Helguna mína í fyrramálið og labba í 30 mínútur. Ætla að vera dugleg að draga hana með mér:) Ætlum í Elliðarárdalinn að dúllast. Svo er bara hlaupaæfing og býst við að ég taki 13 km í Fossvoginum, wish me luck:)

Knús og kram, Moi sjálf

P.s. ætlar einhver að hjóla í RVK-maraþoninu? Var bara að pæla hvort einhver nennti að hjóla með mér og halda mér við efnið og ýta mér áfram fram að endalínunni. Launin eru RISA, RISA STÓRT KNÚS!!! Bara pæling sko:)
Posted by: Sveinbjörg M. / 21:17 (4) comments

sunnudagur, júní 08, 2008

Smá uppdeit:) 

and


Jæja þá í þetta sinn.... (Snatalagið: "Heyrðu snöggvast snati minn...":)

Alltaf nóg um að vera þessa dagana að það hálfa væri nóg. Var að byrja í sumarfríi á föstudaginn. Er eiginlega hálffegin, svei mér þá. Orðin hryllilega þreytt eitthvað, búið að vera kreisý að gera í vinnunni að það hálfa væri nóg. Sameinuðumst HNE í sumar (Háls-Nef-Eyrna eða A5) Það er verið að gera upp deildina þar þannig að þau komu til okkar. Það var opnuð önnur stofa (fjögurra manna) til að taka við öllum nýjum sjúklingunum plús auðvitað blessaði gangurinn. Ótrúlega margt sem maður lærir en samt rosalega krefjandi. Er rétt svo að komast inn í mína deild og svo kemur þessi líka þannig að þetta er talsverður challenge en það er alls ekkert svo slæmt. Þetta kemur vonandi með tímanum:)
Síðasta vika var heví góð í hlaupum og stússi og meira að segja þrátt fyrir næturvaktir og svoleiðis. Heilir 44.9 km mar. Átti samkvæmt Fríðu Rún astmaþjálfara að fara núna 34 km og bæta svo við í næstu viku. Fór ekki alveg eftir þessu;o) Þetta voru heilar sex æfingar í þessari viku, dúddamía. Þetta er persónulegt met hjá mér í æfingafjölda... hehe... ;o)

Þetta er svona í grófum dráttum. Hefði örugglega verið í tíu ár að skrifa þetta eitthvað öðruvísi.. hehe.. ;o)

Skellti mér í kvennahlaupið í gær með vinkonu minni eða hún réttara sagt dró mig, henni langaði svo í medalíu:) Hefði ekki nennt að fara ein. Ætluðum að fara 10 km en snarhættum við þegar við sáum hvernig veðrið var að þróast, ákváðum við bara að fara 5 km. Þvílík rigning, maður minn. Það var ekki neitt þurrt á mér, held ég hafi þyngst um 2 -3 kg af regnvatni, get svo svarið það. Gat undið kvennahlaupsbolinn, það drippaði endalaust af honum. Það var náttúrulega ekki tímataka en ég ákvað samt að hafa augun aðeins á klukkunni í gamni, sjá hvað gerðist. Og viti menn, í allri þessari rigningu og algjöru ógeði, bætti ég 5 km tímann minn um 8 mínútur. Er vön að fara á "skitnum" 45 mínútum en sumir fóru á 37 mínútum, jibbí!!! Rosalega mikið mál eða þannig;o)

Í dag var fyrsta samæfing astmahópsins í þessu verkefni; Astma-maraþon 2008. Vorum ekki mörg sem mættum en þónokkur samt. Fengum þetta æðislega veður, sól og logn. Það var ekki hægt að biðja um neitt meira, sérstaklega eftir gærdaginn, dúddamía! Svo eftir teygjur og svoleiðis, fórum við að máta boli fyrir maraþonið. Verðum svo flott í sérmerktum asicsbolum, rosa flottir sko:0) Eins og eins sú sem ber höfuð og herðar yfir allt: "Nú fer þetta að verða ótrúlega spennandi" :) Hef ekki hugmynd hvað ég ætla að gera í ágúst en það kemur bara í ljós, ætla bara koma öllum á óvart og tilkynna það rétt fyrir, sjáum hvað setur, verður að vera smá duló líka með... hehe... ;o)

Fór í bíó í gær á Sex and the city og það í annað skipti. I love it. Ég fer aldrei tvisvar á sömu myndina nema ég fíli hana í botn. Elska Sex and the city og hvað þá þegar bíómyndin kemur út, jibbí. Lenti í frekar neyðarlegu atviki þegar hléið var að klárast og við vorum að labba aftur inn í salinn. Ég var í pilsbuxum og ég nennti ekki að vera í sokkabuxum þannig að ég var bara á tásunum og í uppáhaldsskónum mínum eru líka spariskór. Þegar ég var að labba í salinn, slitnaði það sem heldur skónum saman, þannig að það endaði með að ég labbaði í öðrum skónum inn í salinn og hélt á hinum. Þegar ég komst loksins inn af skömm var seinni helmingurinn rétt að byrja og ég og vinkona mín sáum varla hvar við sátum, stóðum eins og algjörir bjánar að leita að sætaröðinni okkar, hehe... Get hlegið núna að þessu en ekki í gær. Er asskoti svekkt að missa skóinn minn. Neyðist til að kaupa mér nýja og fólk sem þekkir mig, veit hvað ég er nísk að kaupa hluti nema ég "neyðist" til þess... hehe... ;o)

Er rosalega mikið að pæla í því að fara í Álafosshlaupið næsta fimmtudag. Það er víst eitthvað pínu öðruvísi hlaup heldur en venjulega, malarvegur, lækir og ýmislegt fjör. 9.0 km. Hefur einhver farið í þetta hlaup eða kannast við þetta? Er þetta erfitt fyrir svo geðveika feitabollu eins og mig og eru lækirnir stórir? Langar svolítið að fara. Svo er það bara Jónsmessuhlaupið 23. júní að sjálfsögðu:)

Jæja, best að hætta þessu blaðri í bili. Nú er það bara sumarfrí og hlaup og aftur hlaup. Næringarfræðingur einhversstaðar þarna inn á milli og já, Grand hótel á föstudaginn næsta með familíunni, og ættarmót næsta laugardag. Alltaf nóg að gera að það hálfa væri nóg:)

KNÚÚÚS, Moi sjálf

P.s. hér með staðfestist að ungfrú Júlíana mætir á hlaupaæfingu á morgun, mánudag 9.6.2008, kl. 17:30 ~ Haha ungfrú, nú þarftu pottþétt að mæta:) Reyndar varstu svosem búin að staðfesta það, en þetta er svona endanlegt.... HAHAHA.... ;O)

Posted by: Sveinbjörg M. / 13:19 (8) comments

sunnudagur, júní 01, 2008

STÓR"merkilegur" áfangi;o) 

Ótrúlegt en satt... ...eeeeen..... ....feitabollan mikla á 2ja ára hlaupaafmæli í dag, jedúdda mía!! Hún á afmæl´í dag.... ...lalala... ;o)

Trúi þessu varla. Fyrir sléttum tveimur árum fór ég á mína fyrstu hlaupaæfingu og hélt ég myndi aldrei mæta á aðra æfingu því ég skammaðist mín svo hrikalega fyrir sjálfa mig, hélt ég myndi bara deyja og sérstaklega úr skömm. Í fyrsta lagi, sá ég mig sjálfa innan um allt þetta fólk í frábæru formi. Man hvað ég bakkaði mig smám saman úr hópnum svo engin(n) væri að "glápa" á mig. Í öðru lagi, var ég næstum dáin úr mæði og astma að það hálfa væri miklu meira en nóg, var rétt svo komin að nýju fótboltastúkunni þegar ég hélt að ég væri að kafna og eldrauð eins og karfi í framan, er ekki að grínast sko. En einhvern veginn mætti ég aftur, af einhverri ástæðu og hef verið að síðan, rosa merkilegt eða þannig, heil 2 ár meðan aðrir kannski búnir að vera að í 20 ár! hehe... ;o) =-) Búin að "afreka" að klára slatta 10 km hlaupum, 2 hálfmaraþon og 1 þriggja tíma hlaup. Býsna ágætt svona í heildina, er það ekki? :) Plús að heilsan er þúsund sinnum betri heldur en þá en auðvitað er langt í land ennþá en ég vona að það gerist gott með tímanum, þýðir víst lítið annað.

Hlaupavikan einkenndist bara af blessuðum sprettum niður og labbi upp Brúnaveginn nokkurn veginn. Á mánudaginn fór ég 5.2 km, þriðjudaginn tók ég 5.0 km, miðvikdaginn 6.0 km og á laugardaginn sleppti ég sprettum og tók rólega 10 km, var búin með þessa tíu daga spretti, jibbí;o) Vikan gerði nú ekkert spes eða 26.0 km eða eitthvað svoleiðis, en það var út af þessari áherslu á hraðann sem skipti máli en ekki lengdin en nú byrja ábyggilega lengdaræfingar, þarf að fara hitta á herra foringja á morgun:) En þetta gengur ágætlega bara.

Skrópaði á fimmtudaginn út af skjálftanum ("Afsökun" haaaa:) Sem betur fer fann ég ekki fyrir honum, var að keyra og heyrði ekkert fyrr en Fúsi bró sendi mér SMS og sagði:" Vá, þetta var hörkujarðskjálfti mar!" Hélt að hann væri eitthvað að djóka í mér eða eitthvað en það kom síðan annað í ljós. Er svo jarðskjálftahrædd að það hálfa væri nóg. Nóg að finna smá titring eða minna en það að ég verði yfirdrifið móðursjúk af hræðslu. Systir mín og hennar familía eru á Selfossi og það var allt í rústi hjá henni en þau sluppu sem betur fer ómeidd, en það munaði samt litlu. Hafði svo miklar áhyggjur af öllu á Selfossi, af systur minni og co., svo fullt af vinum sem ég á þar að ég var á fullu að senda SMS á alla til að fullvissa mig um að það væri í lagi með alla. Ég gat bara ekki farið á æfinguna. Hafði enga einbeitingu í það, þar að auki var mamma og bróðir minn í bænum og komust ekkert strax austur út af lokunum á vegum þannig að þau voru hjá mér þangað til að það var í lagi að fara af stað. Úff hvað það var gott að það voru bara minniháttar meiðsl á fólki en ekki meira. Maður hugsar bara vel til allra fyrir austan núna.

Jæja, best að hætta monti og blaðri og öllu þar inn á milli í bili;o) Æfing á morgun, plííís ekki brekkusprettir..... Svo er það bara sumarfrí á föstudag eftir næturvaktina á fimmtudag, er farin að telja niður, orðin dálítið þreytt;-)

Knús og big love, Moi sjálf
Posted by: Sveinbjörg M. / 16:09 (23) comments

This page is powered by Blogger. Isn't yours?