Ég um mig frá mér til mín... ...á "hlaupum"... ...hér og þar og allsstaðar:o)

P.s. megið alveg kvitta, er alltaf svo forvitin hver kemur í heimsókn;o)

Skellti mér á æfingu í gær eftir næturvaktina. Var samt eiginlega ekki að meika það, svaf sama sem og ekkert og borðaði varla neitt áður en ég lagði af stað sem var ekki alveg nógu sniðugt. En af stað skyldi hún fara, nú er sko ekki tími í að væla yfir svefnleysi og þreytu og öðrum góðum afsökunum, það skal taka vel á (sérstaklega næstu 8 mánuði eða svo) Allavega, skellti mér að Árbæjarstíflunni sem gerir að 11.5 km í frekar ömurlegu veðri bara, rok og rigning út í eitt. Það var alveg geðveikur mótvindur að ég hélt að ég kæmist ekki áfram en á móti fékk ég vindinn í rassinn tilbaka sem var MJÖG gott því ég var varla að meika mótvindinn. Gekk bara í heildina bara fínt en mótvindurinn í byrjun fór dálítið í mig þannig að ég varð að pústa mig og mér létti við það og síðan var ég dálítið orkulaus í lokin en það er bara því að kenna að ég fékk mér eiginlega ekkert að borða þegar ég vaknaði og fór nánast strax út, fékk mér eina þurra brauðsneið og hálfan banana, úps!

Svo var að sjálfsögðu Boggupuð í dag, alveg ógeðslega gaman og erfitt eins og venjulega en eins og ég segi geðveikt gaman og ekki veitir af svona góðum æfingum. Það var sérstaklega tekið á með axlir og hendur (fannst mér;o) en auðvitað fengu hinir bodypartarnir að njóta sín líka enda er ég farin að finna vel fyrir því núna og hvað þá í fyrramálið, úffpúff;o) Er reyndar svolítið hrædd pínuponsu, er nefnilega farin að finna öðru hvoru fyrir hnénu sem ég meiddi mig í haust. Þetta er hnéskelin, bara einn punktur þar sem er bara mjög óþægilegur og finn sérstaklega þegar ég labba upp stiga, verð bara að passa mig og bera Deep heat og svoleiðis á til að redda þessu, það má nefnilega ekkert klikka hjá mér á næstunni, 7-9-13 undir spýtu takk fyrir! Læt þetta ekki stoppa mig og hana nú! Það voru ákveðin vonbrigði með mætinguna í puðinu. Held að við höfum náð að byrja 6 eða 7 manns með Boggu og það var rúmlega hálffimm. Ég var mætt á slaginu hálf og engin(n) sjáanlegur strax:o( Ég mætti af öllum og þá er nú mikið sagt;o) Æ, þetta var svolítið dapurlegt, þurfum að fara að herða okkur í mætingu annars bara missum við tímana okkar sem er svolítið sad:o/ Verðum við bara ekki duglegari að mæta?;o) Það er reyndar verið að tala um hvað tímasetningin sé óþægileg, spurning....

Svo er það bara næsta vika og þá ætti maður að vera komin í sína góðu rútínu og eins og ég segi þýðir ekkert að væla neitt, megið alveg sparka í rassinn á mér ef ég fer að vola yfir einhverjum smámunum:)

Árið sem leið...

Er bara nokkuð ánægð með mig eftir árið þótt ég segi sjálf frá og það gerðist ýmislegt....

• Hljóp (skokkaði á mælikvarða æðislega flottu hlauparana;o) eins og brjálæðingur í vetur í klikkuðum kulda og hafði það af;o)
• Fór í fyrsta sinn í dekur og fór í æðislegan líkamsvafning.
• Varð vitni að hörkuárekstri og hringdi í fyrsta sinn á ævi minni í 112 þar sem ég var dálítil dramadrottning!
• Fór að hlaupa miklu meira án þess að þurfa að labba mig og halda betur út (alltaf má gott bæta;o)
• Geðveikt skemmtileg árshátíð hjá Laugaskokk þar sem ég eignaðist minn fyrsta og eina bikar! Fékk hann fyrir framfarir og ástundun, að hugsa sér, ég af öllum;o) Rosalega þakklát.
• Eignaðist fyrsta bílinn minn sem heitir Óli og hefur staðið sig súpervel fyrir mig:o)
• Hljóp í fyrsta sinn 18 og 20 km á æfingum!
• Eignaðist Garminn minn yndislega og lenti í fyrstu "íþróttameiðslunum" með hann í jómfrúarferðinni þegar ég fór að Úlfarsfelli í fyrsta sinn.
• Var nokkuð dugleg að gefa blóð.
• Átti eins árs hlaupaafmæli;o)
• "Keppti" í fullt af hlaupum (miðað við árið áður hehe..;o) og bætti mig um 9 mínútur í 10 km í Jónsmessuhlaupinu þar sem ég hélt að ég hefði sökkað feitt, fínt að nota öfuga sálfræði haaa... ;o)
• Náði akstursmatinu (sem maður tekur venjulega eftir tvö ár með bráðabirgðaskírteini en þar sem ég var búin að vera með mitt í eitt ár og punktalaus og heví góður ökumaður mátti ég taka það núna;o) og þar með komin með fullnaðarskírteini:o)
• Fór í 3ja tíma hlaup og kláraði í ískaldri rigningu og köldu roki.
• HELSTA "AFREK" ÁRSINS HJÁ MÉR: FÓR Í 1/2 MARAÞON Í RVK-MARAÞONINU OG KLÁRAÐI!!! Trúi þessu varla ennþá, bara STÓRT TAKK við alla sem studdu mig og trúðu á mig, ég gerði það varla sjálf á tímabili:o)

Úps, aðeins of langur listi.... Er bara yfir heildina ánægð með árið og búin að eignast fullt af félögum og vinum í besta skokkhóp landsins og annarsstaðar:o)

Árið sem er að renna í hlað.....

• Stefnan er að standa sig betur en síðast. Vona að ég eigi eftir að geta hlaupið allar leiðir einhvern tímann án þess að labba nokkurn skapaðan hlut, alltént verður unnið vel í því.
• Er að fara taka þátt í verkefni sem ég hef verið að tala pínuponsu um, þori ekki alveg ennþá að segja frá því mikið strax en það fer að koma smátt og smátt og vona innilega að það gangi upp:o) Verð að passa mig að halda mig meiðslalausri og hætta að væla;o)
• Er að fara að skipta um vinnu í mars. Finnst kominn tími til að breyta aðeins til eftir þrjú ár á sama stað og í gegnum öll nematímabil og kynnast öðru áður en ég fer í skóla annaðhvort á þessu ári eða næsta. Samt alveg yndislegt að vera á hjartadeildinni og á eftir að sakna fólksins míns en á eftir samt að láta sjá mig í heimsókn:o) Ætla að færa mig yfir í Fossvoginn og fara á Bruna- og lýtadeild. Hlakka bara nokkuð til og kynnast nýjum hlutum.

Jæja, ætli það sé ekki komið nóg af rausi í bili, megi þetta ár verða ykkur öllum gott:o)

Knús, Moi sjálf

P.s. Læt fylgja nokkrar myndir frá hlaupaárinu:o) http://picasaweb.google.com/Sveinkapeinka/HlaupaaridINokkrumMyndum?authkey=LMdcthkz_Lc

Jæja elsku dúllurnar mínar, gleðilegt nýtt ár aftur:o) Best að blogga pínuponsu og vonandi eitthvað af viti;o)

Skrapp í sveitina um jólin og það var kósý og yndislegt. Lá þvílíkt í leti allan tímann með fæturna upp í loft, ahhh, verý nice:o) Fékk fullt af flottum og yndislegum gjöfum, takk fyrir mig innilega:o) Fór reyndar bara tvisvar út að hlaupa/skokka og tók sinnum tvisvar sirka 7 km eða um 14 km sem gekk bara fínt þrátt fyrir einhver snjóleiðindi. Frekar lélegt, veit. Var í einhverju gjörsamlegu letistuði. Búin að vinna eins og brjálæðingur fyrir þessu fríi, tók sjö vaktir í röð og svo núna sex vaktir í röð um áramótin til að fá þetta litla frí en maður massar þetta alltaf einhvern veginn, er það ekki?

Kom reyndar heim degi fyrr en ég ætlaði því það var búið að spá einhverri leiðindafærð á heiðinni. Er dálítið stolt af mér með fyrsta alvöru vetraraksturinn minn og það alein. Heiðin á leiðinni austur var lala, náði að keyra í förum og fylgja þeim nokkurn veginn. Stoppaði síðan pínu á Selfossi og knúsaði Ingu Sól skottuna mína og Dagbjart Mána rúsínurassgat. Eru bara yndislegust, því miður komust ekki Sigrún Birta og Óskar ekki:o/ Hitti þau nú samt eftir að ég kom heim og knúsaði þau í botn:o) Allavega, það var alveg fljúgandi hálka á Selfossi og ég skautaði út um allt þrátt fyrir elsku vetrardekkin mín sem eru mjög gróf og fín finnst mér. Átti frekar erfitt á leiðinni að Þjórsá, skafrenningur og ömurlegur vegurinn, var pottþétt ekki skafað, maður var í svona hundrað milljónum förum, var svo hrufótt og leiðinlegt. Ég var svo lítil í mér að ég skröltist að Þjórsábrú rétt um á 60 km hraða. Það var ekki séns að fara hraðar. Gekk miklu betur á leiðinni heim þótt vegurinn á milli Hvolsvallar og Selfoss væri alveg ömurlegur, svona án gríns, held ég að þessir snjókarlar kunni varla að moka, segi svona. Auðvitað gera þeir sitt besta greyin en þetta var þvílíkt óþægilegt, lúsaðist á 60 km hraða og allir fínu jepparnir þutu fram úr mér eins og þeir ættu lífið að leysa. Hélt svo stíft á stýrinu að ég var komin með náladofa í puttana... hehe.. Hann Óli minn stóð sig bara eins og hetja, blessaður:o)

Svo var aftur vinnutörn núna um áramótin, sex vaktir í röð, sem reyndar breytist í sjö vaktir í kvöld. Það var verið að kalla mig út á næturvakt núna um fimmleytið þannig að það er smá törn. Ætla sko að eiga helgarfrí núna og ekkert að vinna neitt og hana nú! Hopefully....

Skellti mér á fyrstu alvöruæfingu ársins og hitti Laugaskokkarana mína. Voðalega var það yndislegt að hitta fólkið "mitt" aftur:o) Var komin með þvílík fráhvarfseinkenni að það hálfa væri miklu meira en nóg og samviskubit ofan á það allt saman. Langaði t.d. svo innilega að vera með í Gamlárshlaupi ÍR en komst ekki, var að vinna og mér fannst það hræðilegt, alveg sama þó það væri ömurlegt veður, bara skemmta sér og hafa gaman af:o) Allavega, átti að fara Fossvoginn eins og venjan er á miðvikudögum en sökum þess að ég er að fara óvænt á næturvakt tók ég bara hálftímann sem gerir að 5.6 km sem er bara lala. Var ekki alveg að fíla mig í dag. Astmavesenið er að taka sig meira upp óttast ég og að sjálfsögðu spretti hratt af stað í byrjun sem sumir eiga ekki að vera að gera. Þurfti að labba mig niður nokkrum sinnum en skokkaði svo aftur dálítið greitt inn á milli og þetta var eitthvað að há mér allan tímann, spurning að vera aðeins duglegari að pústa mig, nenni því varla, letihaugur! Þetta var svo óþægilegt því ég náði ekki alveg djúpönduninni, hálfpartinn köfnunartilfinning:o/ Pústaði mig þegar ég kom heim og jafnaði mig frekar fljótt. En mér leið svo vel samt eftir að hafa farið út að hlaupa, verð einhvern veginn svo fersk og hreinsast algjörlega andlega:o) Maður getur pælt í svo mörgu það sem þarf að gera og hvernig á að gera og ég veit ekki hvað og hvað, guð hvað ég er orðin væmin, sorrý!

Jæja, best að fara að hætta þessu blaðri og þvílíka bulli og reyna að loka aðeins augunum fyrir vaktina. Æfing á morgun og ætli það verði ekki sirka 12 kvikindi tækluð, allavega, stefnan sett á það:o)

KNÚS, Moi sjálf (Hlaupandi bollan;o)

P.s. You lovlý pípól can kvitt you nó=0)